الأربعاء، 5 أغسطس 2009

حاجات تانية خالص

السلام عليكم
ايه الموضوع دا ما فيش موضوع راضى يكمل خالص هفضل اقول حاجات كده وخلاص اللى عنده فكرة يبعتها وله الاجر والثواب
شوية حاجات تانية بقا
الاول زعلان عشان ما بقتش بقعد فى البيت خالص الناس اللى هنا دى وحشتنى وليهم حق فيا برده
عاوز اتكلم مع عبده وحشنى قوى وما اتكلمتش معاه من زمان وحاسس انه مخنوق او متضايق اليومين دول وهعرف ليه دا حبيبى وما بيخبيش عنى حاجة اللى عرفته انه دفع عالصبح الف وربعماية جنيه انهاردة وهو ما بيحبش يطلع فلوس عالصبح كدا ههههههه
بس محضر تبع مكتب العمل باين ولازم يدفع يلا يا بودى ربنا يرزقك بزبون يعوضهملك ههههه ابويا دا عثل والله عثل
وطبعا مقصر فى حق ام فتحى جداااااااااااااا نزلت يوم الاحد اوديها لدكتور قلتلها ازل دمياط اخلص شغل وراجع رجعتلها واحدة ونص بليل بس ان شاء الله رايحين انهاردة(ام فتحى دى امى بس انا بحب اندها كده )
فتحى بقا اخويا الكبير مش عارف اعمله ايه اخفف عنه الضغط النفسى اللى هو فيه بسببها منها لله بس انا بدعى ربنا يخلصك منها على خيرومن غير ما نظلم حد
ونسمة ماسمعتلهاش من زمان مع انى كنت بسمعها كتير واتكلم معاها ومشاكلها وعلاقتها بخطيبها بس كانت عملت حركة ندالة فمطنشها من يومها والبت(بتزعل قوى من كلمة بت دى) عمالة تحايل فيا بس انا سايق فيها الصراحة خطيبها حبيبى وطنشته على حسها يلا بكرة اصالحهم
والبت هالة بقالها كتير ما اتضربتش يلا اتلككلها انهاردة هههههههه
ثانيا فى الفترة اللى فاتت عدى عليا يومين من اروع واجمل ايام حياتى بجد من الايام اللى مش ببتنسى
اولهم يوم الاربع 29/7 وكان يوم جامد جدا واتبسط فيه قوى
التانى بقا كان يوم السبت1/8 ودا تقريبا اليوم المسجل رقم واحد فى حياتى وعاوز اغير عيد ميلادى واخليه فى اليوم دا احساس ما حستوش قبل كدا سعادة ما تتوصفش فرحة وحب وحنان وامان واحتياج وضعف وقوة واهتمام كل حاجة حلوة حسيت بيها ربنا يخليه ليا
كان فيه سؤال سألته ام المدونين الفراغ بتقول ايه اصدق عشر حاجات فى حياتك دا ان شاء الله هجاوب عليه البوست الجاى
يلا بقا كفاية كدا عاوز الحق اقعد معاهم قبل ما اقوم اسافر
تحياتى

هناك 10 تعليقات:

Che Ahmad يقول...

ادعيلي بقي :P

HaMaDa 3aFshA يقول...

ماشى يا عم بدعيلك من غير حاجة وانت عارف
بس انت كمان ادعيلى :P

GiGi world يقول...

ربنا يكرمك ويار بالايام كلها خير ودعواتك كتييييييييييييييييييييييير
ربنا يعزك

halaS demahoM يقول...

والله وبقيت مهم
ربنا يزيدك يا عم
دا انا اتصور معاك دلوقت بقي ما يبقي التصوير بفلوس

ربنا يسهلو

HaMaDa 3aFshA يقول...

جيجى
ربنا يباركلك يارب ومتشكر لمرورك الكريم ودعواتك الجميلة

HaMaDa 3aFshA يقول...

ابو صلاح
بقيت مهم ؟!نعم يا شرقاوى هيا بلدكو اتعرفت الا لما انا شرفتها
والتصوير بقا بفلوس للشراقوة بس:P
منور يابو صلاح
تحياتى

الفراغ يقول...

ازيك يا حماده
وانا بجد حسيت انى واحده من اسرتك الكريمه وانتى بتتكلم عنهم بالحب دا كله
ربنا مايحرمكم من بعض ابدا
ويخلى الحاجه ام فتحى
ويدبر امر فتحى بالخير ان شاء الله
وربنا يكتر ايام السعاده فى حياتك (((( فى الفترة اللى فاتت عدى عليا يومين من اروع واجمل ايام حياتى بجد من الايام اللى مش ببتنسى
اولهم يوم الاربع 29/7 وكان يوم جامد جدا واتبسط فيه قوى
التانى بقا كان يوم السبت1/8 ودا تقريبا اليوم المسجل رقم واحد فى حياتى وعاوز اغير عيد ميلادى واخليه فى اليوم دا احساس ما حستوش قبل كدا سعادة ما تتوصفش فرحة وحب وحنان وامان واحتياج وضعف وقوة واهتمام كل حاجة حلوة حسيت بيها ربنا يخليه ليا ))))
اتكلم وبوح واكشف الفرح دا جاى منين واحنا هانفرحلك ماتخافش مننا
عينى بارده عليك
ربنا يسعدك دايما

HaMaDa 3aFshA يقول...

امى العزيزة الفراغ
اطير فرحا لكلماتك الجميلةربنا يديم عليكى الصحة والسعادة
وحضرتك فعلا بالنسبةليا من الاسرة والله اول ما برجع بزور مدونة حضرتك اطمن عليكى
شكرا لدعواتك الجميلة
هتكلم وابوح امى بس بينى وبينك الحاجات دى بتتنظر هههههههه
ربنا يباركلك يارب ويحفظك
تحياتى

الفراغ يقول...

حماده
طولت الغيبه
وحتى ماكتبتش حاجه عن رمضان
ولا قلت حتى كل سنه وانتوا طيبين

ياريت تفتكرنا بكلمه حلوه عن ليلة القدر
وكمان نطمن عليك

HaMaDa 3aFshA يقول...

امى الفراغ اهلا بزيارتك وسؤالك الذى خفف عنى الكثير من الالم حتى انى لم اعد اشعر بتعب
قريبا ساكتب ولكن الحمد لله انى اطمئننت على حضرتك