انتى عاوزة ايه؟!!

بسم الله

ظاهرة زادت عن حدها حتى طفح منها الكيل واصبحت فى اقل ما يمكن وصفها به انها مصيبة بل مصيبة المصائب

ألا وهى التبرج فى الملبس والزينة وكل شئ لدى معظم الفتيات الا من رحم ربى

والله مش عارف فيه ايه بالظبط الموضة انك تتعرى الناس كلها بتلبس وتشترى لبس علشان تستر نفسها وانتى بتشتريه علشان

تعرى نفسك طب ليه ؟

هى دى الموضة انك تمشى عارية علشان ايه تفتنى الشباب وتجذبى نظر المارة ؟علشان يشار اليكى بالبنان ان دى اخر موضة؟

لا هيشار اليكى بالبنان دى بنت مش متربية وان ما فيش اهل تسال هى راحة فين وجاية منين

انتى عاوزة ايه عاوزة تلبسى على الموضة علشان تبقى معروفة او محل نظر الناس يتمتعوا بالنظر الى جسدك البسى وانتى هتبقى محل نظر الاشهاد يوم القيامة وانتى مجرورة الى النار جرا

انتى عارفة هتشيلى كام ذنب باللى انتى عاملاه ده هتشيلى ذنب مخالفتك امر الله وامر النبى بالتبرج فى اللبس والزينة
وهتشيلى ذنب كل شاب بصلك وما عرفش يغض بصره بسبب فتنتك دى هو هيشيل ذنب عدم غض البصر وانتى تشيلى ذنب زى ذنبه
وكمان هتشيلى ذنب اى بنت اعجبت بنظرة الناس ليكى فعملت زيك هتشيل ذنب انها خالفة ربنا والرسول وانتى تشيلى ذنب زيها
وهنا المصيبة كل حد هيبصلها هيشيل ذنب وهيا تشيل ذنب وسيادتك تشيلى ذنب
انتى عاوزة تعملى ايه فى نفسك ؟عاوزة جنة ولانار ؟ عاوزة نعمة ولا نقمة؟عاوزة نعيم ولا عذاب؟
عاوزة تتجوزى ولا تتخطبى مش هيحصل ولو حصل هيبقا لواحد ما يعرفش ربنا وما يتقيش الله فيكى واول ما هيفكرك بالقديم هو
يبقا اتعذبتى فى الدنيا بالزواج التعيس وفى الاخرة العذاب المقيم
انتى عاوزة تبقى مين فى دول
الام المحترمة اللى بتخاف على بيتها واولادها وتتقى الله فيهم وفى جوزها وتعلمهم الصلاة والاحترام ودينهم ولا الام اللى هتلبسهم من غير هدوم وتعلمهم قلة الادب والانحراف منذ الصغر
عاوزة تبقى الزوجة العفيفة اللى يطمنلها جوزها ولا اللى يخاف منها لو غابت خمس دقايق
عاوزة تنبقى البنت اللى تكون سبب فى دخول ابيها الجنة ولا البنت اللى هتلقيه فى التهلكة
عاوزة تبقى البنت اللى بتمشى ما حدش واخد باله منها ولما تسألى عنها يضرب بيها المثل فى العفة والاحترام ولا تبقى البنت اللى ما فيش شاب فى المنطقة ما يعرفهاش وتبقا عنوان لكال اللئام
عاوزة تشبهى نفسك من غير ما تكونى وحشة بس عاوزة تمشى على الموضة
امشى على الموضة يا ستى بس فيها لما تبقا الهدوم واسعة وما تصفش ما تحتها
فيها ايه لما تبقا مثقولة وما تبينش اللى تحتها فيها ايه لما ما تتعطرش بعطر كل اللى ماشيين فى الشارع عارفين نوع البارفان بتاعك
قال – صلى الله عليه وسلم - : " أيما امرأة خرجت من بيتها مستعطرة ، ثم مرت على قوم ليجدوا ريحها فهي زانية "
امشى على الموضة بس مش هتضحكى على ربنا مش تعمليلى طرحة سبانش وتحتيها منى جيب او تنتقبى وبدل ما تسمى الناس على الموبايل باساميهم تسميه اخى احمد واخى على كده هيبقا محرم بكسر الميم
عاوزة تبقى مع الشيطان ولا مع عباد الرحمن
عاوزة يوم القيامة تبقى مع مين بعد ما يأتى ربنا سبحانه وتعالى بالموت فى صورة كبش فينحره بين الجنة والنار وينادى ياهل الجنة خلود بلا موت ويا اهل النار خلود بلاموت
قال الله: وَأَنذِرْهُمْ يَوْمَ الْحَسْرَةِ إِذْ قُضِيَ الأَمْرُ وَهُمْ فِي غَفْلَةٍ وَهُمْ لا يُؤْمِنُونَ * إِنَّا نَحْنُ نَرِثُ الأَرْضَ وَمَنْ عَلَيْهَا وَإِلَيْنَا يُرْجَعُونَ [مريم:39-
40
“واستفتحوا وخاب كل جبار عنيد،من ورائه جهنم ويسقى من ماء صديد، يتجرعه ولا يكاد يسيغه ويأتيه الموت من مكان وما هو بميت ومن ورائه عذاب غليظ” (ابراهيم 15-17)“والذين كفروا لهم عذاب جهنم لا يقضى عليهم فيموتوا ولا يخفف عنهم من عذابها كذلك نجزي كل كفور” (فاطر 36).
تخيلى ان لذتك ونظرات الناس ليكى هتفضل فى سن شبابك بس وبعد كده هيبعدو عنك وينفروا منك هتبيعى الخلود ببضع سنوات هتبيعى الجنة بتفاهات وعصيان لله تعالى والله يبقا حرام عليكى واللى تعمل كده فعلا تستاهل الخلود بقا لانها ما عرفتش تتاجر مع ربنا هتبيعى شوية سنوات فى طاعة والتزام وتقبضى قصادهم جنة ونعيم تام
عاوزة تبقى من دول
ثبت عن النبي صلى الله عليه وسلم أنه قال : " صنفان من أهل النار لم أرهما بعد : رجال معهم سياط كأذناب البقر يضربون بها الناس ، ونساء كاسيات عاريات مائلات مميلات على رؤوسهن كأسنمة البخت المائلة ، لا يدخلن الجنة ولا يجدن ريحها ، وإن ريحها ليوجد من مسيرة كذا وكذا " رواه أحمد ومسلم
الصنف الثاني : نساء كاسيات عاريات مائلات مميلات على رؤوسهن كأسنمة البخت المائلة .
قال النووي في المراد من ذلك : " أَمَّا ( الْكَاسِيَات العاريات ) فمَعْنَاهُ تَكْشِف شَيْئًا مِنْ بَدَنهَا إِظْهَارًا لِجَمَالِهَا , فَهُنَّ كَاسِيَات عَارِيَات . وقيل : يَلْبَسْنَ ثِيَابًا رِقَاقًا تَصِف مَا تَحْتهَا , كَاسِيَات عَارِيَات فِي الْمَعْنَى . وَأَمَّا ( مَائِلات مُمِيلات ) : فَقِيلَ : زَائِغَات عَنْ طَاعَة اللَّه تَعَالَى , وَمَا يَلْزَمهُنَّ مِنْ حِفْظ الْفُرُوج وَغَيْرهَا , وَمُمِيلَات يُعَلِّمْنَ غَيْرهنَّ مِثْل فِعْلهنَّ , وَقِيلَ : مَائِلَات مُتَبَخْتِرَات فِي مِشْيَتهنَّ , مُمِيلات أَكْتَافهنَّ , وَقِيلَ : مَائِلات إِلَى الرِّجَال مُمِيلات لَهُمْ بِمَا يُبْدِينَ مِنْ زِينَتهنَّ وَغَيْرهَا . وَأَمَّا ( رُءُوسهنَّ كَأَسْنِمَةِ الْبُخْت ) فَمَعْنَاهُ : يُعَظِّمْنَ رُءُوسهنَّ بِالْخُمُرِ وَالْعَمَائِم وَغَيْرهَا مِمَّا يُلَفّ عَلَى الرَّأْس , حَتَّى تُشْبِه أَسْنِمَة الإِبِل الْبُخْت , هَذَا هُوَ الْمَشْهُور فِي تَفْسِيره , قَالَ الْمَازِرِيّ : وَيَجُوز أَنْ يَكُون مَعْنَاهُ يَطْمَحْنَ إِلَى الرِّجَال وَلا يَغْضُضْنَ عَنْهُمْ , وَلا يُنَكِّسْنَ رُءُوسهنَّ .... " شرح النووي على صحيح مسلم 17/191 . باختصار
قال الشيخ بن عثيمين : " قد فُسِّر قوله " كاسيات عاريات " : بأنهن يلبسن ألبسة قصيرة ، لا تستر ما يجب ستره من العورة ، وفسر : بأنهن يلبسن ألبسة خفيفة لا تمنع من رؤية ما وراءها من بشرة المرأة ، وفسرت : بأن يلبسن ملابس ضيقة ، فهي ساترة عن الرؤية لكنها مبدية لمفاتن المرأة " . فتاوى الشيخ محمد بن عثيمين 2/825 .
ياختى اجعلى من نفسك عليكى رقيبا يكفيكى شر المهالك والوقوع فيها ولا تغترى بجمال اليوم فغدا سيأكله الدود وتكونى فى ارض الخلود اما جنة واما نار فاعملى لهذا اليوم
واعلم ايها الاب وايتها الام وايها الزوج وايها الولى انك مسئول عنها يوم القيامة مش هنقول بقا حقوق المرأة وبتاع مش معنى انك مسئول عنها تضربها لا فهمها الصح وعرفها ان دا غلط وان دا عيب وحرام لان كتير من بناتنا عندهم جهل تاام بدينهم مش بيعرفوا حتى يتوضوا صح وبرده فيه كتير من اولادنا كده
عرفها الصح وهيا ان شاء الله هتهتدى لان لسه فيه بصيص نور جواها لسه فيه نبتة خير عاوزة الرعاية والحماية
اختاه اتقى الله فى نفسك وفى اهلك وفينا

بجد بيريح

هنأجل الرسالة كمان مرة علشان المود بس مش مظبط
وبرده موضوع مش اسلامى بس عن حاجة جوايا
اوقات كتير قوى ببقا عاوز ابكى علشان حاجات كتير راحة منى او خسرتها ليا سبب فى ضياعها او ما ليش
بس مشكلتى انى ما ينفعش ابكى على ارض الواقع قدام اى حد او دمعتى غالية قوى وعزيزة قدام الناس
مش عارف دا كبرياء ولا غرور ولا رجولة ولا ايه بالظبط
اوقات كتير نفسى ابكى بس بمسك الدمعة بالعافية خايف ابان ضعيف قدام حد او اضعف حد قدامى
حتى يوم وفاة جدى واللى كان اغلى شخص عندى فى الدنيا سافرت من الزقازيق كنت بمتحن وصلت بعد ما دفنوه بساعة او اتنين وما كانش حد عرفنى ان جدى مات اصلا
ما عملتش حاجة من اللى الكل كان متوقعها تحصل من احمد لما يعرف بوفاة جده ايوة دخلت فى غيبوبة وكلام اهبل بس لما فقت ولاقتنى واقف قدام اهلى واخواتى وما يصحش ان البشمهندس احمد يبكى او ينزل دمعته او الكبير(زى ما بيسمونى) يضعف قدامهم
كنت بنصح الكل واسكت اى حد يبكى وانا جوايا بتقطع وما ينفعش اكتم دموعهم وابكى انا وخصوصا قدام والدتى وخالتى وخواتى لان بعد جدى دا والدتى وخالتى ما بقالهمش حد غيرنا
فضلت امسك فى نفسى يوم ورا يوم لحد مرة طلعت شقة بعيد عنهم وقفلت وفضلت ابكى واقول آااااااااااه كانت مكتومة بجد ارتحت ساعتها بس حظى السئ اختى تشوفنى واقلب البيت مناحة تانى حتى الخلوة ما بقتش نافعة
ولو مع حد وتعبان قدامى او حزين ونفسى ابكى او احسسه انى معاك او حاسس بيك او اريح نفسى بمعنى اصح وانزل دمعتى بخاف وبقول لأ
حتى مع صحابى ببقا فى قمة جرحى او تعبى وببقا اكتر واحد بيهزر او يضحك مش عاوز حد يحس بيا
فضلت اكتم واكتم وحاجات كتير عمالة تعدى عليا واخسر حاجات اكتر وعمال قلبى تزيد جراحه ونفسى اتكتم وعاوز اقول الآاااااااااااه بس مش عارف او خايف لتضعفنى او تضعف اللى قدامى
وصل بيا الامر للهروب الكامل من ارض الواقع والبكاء فى احلامى بس المشكلة انها اترجمت لارض الواقع
ايوة كنت نايم وبحلم وفى الحلم ببكى وبقول الآه اللى عاوز اقولها لاقتنى صاحى بتنفض ودموعى على خدى يعنى هربت منه فى الواقع لاقيته فى الحلم
امنعه فى الحلم كمان و لا انشره على ارض الواقع
كنت تعبااااااااااااااااااان قوى ونفسى اقول الآااااااااااااااااااااااااااااااااااااااااااااه معلش لو اتعبت قلوبكم معايا

يغبطهم الشهداء

معلش لو هكتب الموضوع ده بدل الرسالة اللى كنت وعدت بيها فى ردى على التاج بس ان شاء الله هنزلها المرة الجاية لان الموضوع اللى هكتبه ده شاغلنى قوى والكلام حبيس جوايا ونفسى اقوله
حاسس ان فيا حاجة صح شكلى قربت اموت هههههههههههههههه
بقيت عاوز اقول للناس كلها انا بحبكوا فى الله عارف لما تشوف حد ما تعرفوش ولا بينك وبينه صلةولا مصلحة بس ارتحتله انا بقيت بحس كده مع معظم الناس اللى بقابلهم وعاوز اقولهم كلهم انا بحبكوا فى الله
والله مش عارف ايه عظمة الشعور ده والراحة النفسية دى لما تحب حد فى الله مش عاوز منه حاجة ولا هو عاوز منك حاجة لما تدهى لواحد بظهر الغيب او هو يدعيلك لما تفرح علشان هو فرحان وتزعل لزعله انا بقيت بحس كده مع معظم اصحابى
ولو قابلت حد فى الشارع وحاسس ان جواه جراح كتير والحزن باين فى عينه تجرى عليه وتحط ايدك على كتفه وتقوله بكرة تفرج لما شعورك باللى حواليك يزيد والرحمة فى قلبك تكتر دا احنا هنبقا احسن الناس
عيش معايا الحديث ده علشان تعرف عظمة الحب فى الله
في حديث ابن عمر رضي الله عنهما قال : قال رسول الله صلى الله عليه و سلم : " إنّ لله عبادا ليسوا بأنبياء و لا شهداء يغبطهم الشهداء و النبيون يوم القيامة لقربهم من الله تعالى ، و مجلسهم منه " ، فجثا أعرابي على ركبتيه فقال : يا رسول الله صفهم لنا و جلِّهم لنا ؟قال:" قوم من أقناء الناس من نزّاع القبائل ، تصادقوا في الله و تحابّوا فيه ، يضع الله عزّ و جلّ لهم يوم القيامة منابر من نور ، يخاف الناس و لا يخافون ، هم أولياء الله عزّ و جلّ الذين لا خوف عليهم و لا هم يحزنون " ( أخرجه الحاكم و صححه الذهبي )
عارف لما تنال مكانة يتمناها الانبياء والشهداء وهاخد المكانة دى بايه بالحب لاخوانى واخواتى ما اتمناش الشر لحد بس هحب الخير لكل حد وهما كمان هيبقوا كده هنرحم بعضنا ونحس ببعضنا ونخاف على بعضنا يا جماعة مش عارف اوصف عظمة الشعور ده
عارفين ايه الطعم الحلو ده هو طعم الايمان ايوة طعم الايمان والدليل الحديث ده
قال عليه الصلاة و السلام : " من أحبّ أن يجد طعم الإيمان فليحبّ المرء لا يحبه إلا لله ( رواه الحاكم و قال : صحيح الإسناد و لم يخرجاه و أقرّه الذهبي)
عن أبي هريرة رضي الله عنه قال : قال رسول الله صلى الله عليه و سلم : " من سرّه أن يجد حلاوة الإيمان، فليحبّ المرء لا يحبه إلا لله" ( رواه أحمد و الحاكم و صححه الذهبي )
عارف ان حبنا فى بعض بيوجبلنا محبة الله سبحانه وتعالى
عن معاذ رضي الله عنه قال : سمعت رسول الله صلى الله عليه و سلم يقول : "قال الله تبارك و تعالى : وجبت محبتي للمتحابين فيّ ، و المتجالسين فيّ و المتزاورين فيّ ، و المتباذلين فيّ " (رواه مالك و غيره )
عن أبي الدرداء رضي الله عنه يرفعه قال :" ما من رجلين تحابا في الله إلا كان أحبّهما إلى الله أشدّهما حبا لصاحبه " (رواه الطبراني )
عن أبي هريرة رضي الله عنه قال : قال رسول الله صلى الله عليه و سلم : "إنّ الله تعالى يقول يوم القيامة : أين المتحابون بجلالي ؟ اليوم أظلّهم في ظلّي يوم لا ظلّ إلاّ ظلّي ( رواه مسلم)
فيا كل حد حب اى حد فى الله ولله اعلمه بحبك ايوة اعلمه دا امر من النبى صلى الله عليه وسلم
(إذا أحب أحدكم أخاه في الله فليعلمه ، فإنه أبقى في الألفة ، وأثبت في المودة ) (حسن ) صحيح الجامع280
روى أحمد وأبوداود من ثابت قال: حدثنا أنس بن مالك أن رجلاً كان عند النبي صلى الله عليه وسلم فمر به رجل. فقال: يا رسول الله إني لأحب هذا، فقال له النبي صلى الله عليه وسلم: أعلمته؟ قال: لا. قال: أعلمه. قال: فلحقه، فقال: إني أحبك في الله. فقال: أحبك الذي أحببتني له.
وعلشان كده انا هقول لكل حد حبيته انا بحبك فى الله
طبعا حب الصحابة والانصار والتابعين وتابعيهم باحسان الى يوم الدين
وشيوخنا الافاضل كلهم على رأسهم الشيخ محمد متولى الشعراوى رحمه الله وكل من له دعوة ورسالة ينشرها فى سبيل الله
ومش هقول اصحابى باساميهم بس هقول يا اى حد انا صاحبتك ووقفت معاك او كلمتك او ضحكت فى وشك انا حبيتك فى الله
وبالنسبة للنت برده يا اى حد انا زرتك او علقت عندك او انت زرتنى اوعلقت عندى انا بحبك فى الله
ولكل مسلم فى اى بقاع الارض انا بحبك فى الله واتمنالك الخير وحتى اللى على غير دين الاسلام انا مش بكرهكوا بس بكره كفركوا
والملحدين الجدد بدعيلكوا بظهر الغيب ربنا يهديكوا ويوفقوا للخير يا رب العالمين ويشفعلكوا ركعة ركعتوها لله فنرجوا على الله ان ينير بصيرتكم ويعيدكم الى الحق والخير
بحبكوووووووووووووووووووووووووووووووووووووووو فى الله والله اعلى واعلم

عملوها فيا وجابواى تاج!!

بسم الله
التاج بتاعى يا جماعة بقا قضية رأى عام تشى باشا تعب نفسه وعسر فى الجمجمة علشان يثبتنى ويزنقنى وقسم الحق بقا وبتاع بس ماشى مش هتعدى مع انه وعدنى لو فطرت معاه هيسبنى هههههههههههههههه بس الحمد لله جت على قد تاج احسن من التانى ههههههههههه فاكر
واول ما التاج وصل احمد باشا عنتر علطول قال نزنق عفشة وكانهم مش عارفنى بس لازم فضايح على الملأ ههههههههههههه
وكل حد رد على التاج يبعته لكل اللى عنده طبعا مش بقلم تشى تثبيتة اهى هرد عليه وبصراحة ان شاء الله لكل من اهداهولى ومتشكر لكل من تذكرنى ومن لم يتذكرنى ونبدأ باسم الله


1-عيب فيك ومش نفسك تتخلص منه ع الاطلاق؟؟
من ناحية العيوب اقلك ايه الادب الجم وتواضع الاخلاق المتناهى والكرم الزايد هههههههههههههههههههههه
هما حاجتين بصراحة الاول :بحب الشغل قوى واحب المكسب جدا بضحى براحتى كتير لو فيه شغل وهيجى من وراه فلوس يا تشى هههههههه ويمكن دا سبب انى مش بقابلكوا فى اتفاقات المصيف واسكندرية وكده عندى الشغل ثم الشغل
التانى :التناكة فى الكلام واوقات بتترجم غرور بس دا غصب عنى لانى بتعامل مع تجار كبار فمتعود اتكلم دايما باللغة دى علشان ما يحسوش انى صغير فى السن بعوض فرق السن ده بانى برخم عليهم فى الكلام واحسسهم انى احسن واتقل وبفهم عنهم فبقت عادة
2- اقرب خمس اصدقاء ليك في حياتك الواقعية ( بتتقابلوا دايما يعني ) واوصف كل واحد فيهم بجمله ؟؟
السؤال ده رخم ههههههههههههه الترتيب يا جماعة هيبقا ابجدى هههههههههههههه هنعدى من المطب وهتكلم بصراحة مش تثبيت والله
1-احمد ابراهيم(تشى):دماغ حلوة قوى وبحبها وحبيته لله وفى الله مش عارف ايه اللى شددنى ليك وبحبك بجد والله اعلم
2-احمد عنتر :الحيرة اللى فى الدنيا شفتها معاه بس والله يا جماعة قلبه طيب قوى وحبيته فى الله
3-احمد فهمى:يخربيت عسل اهلك حتة سكرة ياد يا فهمى وقلبه طيب قوى وبحبه فى الله لما بزعل بحب اكلمه هو او تشى
4-سمير (المنوفى دى الشهرة):واد عسل بيمشى بخطوات ثابتة وبيحسبها صح وبآمنه على اسرارى
5-صلاح طارق:ابن بلدى وحبيبى بقا من الاخر رفيق الطريق واد مسخرة لما بنمشى مع بعض بنقسم تقسيم حلو وخصوصا فى المواصلات وبحس انه اخويا بس الصغير
3- أقرب خمس اصدقاء ليك من حياتك الافتراضية ع النت ( وجودكوا الاكبر ع الشبكة العنكبوتية ) وبردو جملة لكل واحد فيهم ؟؟
مش بحب اعمل عليها صداقات كتير ولو عملت مش بينفع احافظ عليها علشان الشغل مش بفضا كتير للنت ولو فضيت بحب اكلم صحابى اللى فوق بس مش بحب افتح كلام مع اى حد تانى

4- العشرة اللى فوق ... ابعت لكل واحد فيهم رسالة !

1-احمد ابراهيم:انا حاسس انك صح بس ما تسوقش فيها ولازم نقول لعقلنا فيه حدود ما تنفعش تخطيها ولازم نقرب من ربنا شوية

2-احمد عنتر:ركز قوى فى الفترة اللى جاية ومهما اتغيرت خليك زى ما انت قلبك طيب وبتحب الخير للناس

3-احمد فهمى:العواطف مش كل حاجة والتهور فى الحب مش حلو خد كل حاجة بتأنى سيبك من الرومانسية الزيادة وادى فرصة لعقلك وحساباتك فى حياتك علشان ترتاح

4-سمير:امامك منعطف خطير هدئ السرعة وامشى بخطواتك الثابتة

5:ابو صلاح:ما تبطلش ضحك
5- العشرة اللى فوق دول اكتب لكل واحد كتاب او اغنية بتعبر عنه فى رأيك
يابنى بقوا خمسة هههههههههههههه
1-احمدابراهيم:اى حاجة لمحمد منير
2-احمد عنتر:دواير مروان خورى
3-احمد فهمى:القلب الطيب ههههههههههه
4-سمير:اى حاجة فيها سفر
5-صلاح:الحياة حلوة
6- حاجة وحشة جدا عملتها ف حق حد وما ندمتش عليهاوهتكررها لو حصلت ؟؟
واحد صاحبى غلط فى حقى وموريه السواد لحد دلوقت ومش راضى احل عنه اى حاجة بتضايقه او تضره بعملها مهما تكلفنى لان غلطه كان كبير شوية
7- أكتب رسالة لأي حد او حاجة او شيء او كيان او اياً كان فى الكون بدون اي قيد؟؟
والله الرسالة دى هعملها بوست كامل كنت ناوى اكتبه قبل ما اشوف التاج ده بس هكتبه بعد العيد ان شاء الله وهتبقا عن شوية مناظر شوفتها امبارح فى صلاة القيام فى جامع عمرو بن العاص ورا الشيخ محمد جبريل منها ضايقنى ومنها عجبنى استنوا البوست
اتمنى اكون رديت ردود مقنعة وما زعلتش حد منى
وفيه ناس كتير لسه بحبها فى الله والله ولم انسها ولكنى لا احب ان اذكرهم ها هنا فالله سبحانه وتعالى يعلم مدى حبهم واحترامهم فى قلبى ومنهم اخوات فضليات فى عالم التدوين اعجبت بموضوعاتهم وافكارهم واخوان كثر فى عالم التدوين وخارجه ارجو على الله ان يجعل حبى فيهم خالصا لوجهه الكريم وان يديم عليا وعليهم الحب فيه
ومعلش لو طولت وبهدى التاج لاى حد بيتفضل مشكورا بزيارة مدونتى واعجبه التاج فليتفضل

الى من كان صديقى ...عذرا

معلش يا جماعة لو هخرج من مود البلج كله بس دى رسالة واحد صاحبى عاوز يبعتها لصديق كان عزيز عليه وقالى اكتبها باسلوبى بقا تناكة يا جماعة وفيها نصايح ليه ولكل الاصدقاء يارب تنفعنا
كنت صديقى الوحيد الذى احببته بصدق لم اخش منك شيئا ولكنى خشيت عليك من كل شئ احببتك واحببت ان اجعلك سعيدا ما استطعت ما تجردت من كيانى الا امامك ما اشعرت احدا بضعفى الا انت لم اظهر يوما نقاط ضعفى الا لك ظننتك ستجبر كسرى وتشد عودى لكنك كنت من اراد كسرى ولكن هيهات هيهات انسيت من انا ؟؟؟؟!
انسبت اننى من لم يستطع احد كسره ولو اقرب الاقربين ؟!
انسيت اننى عزيز اهله وصحبته؟!
انسيت اننى احمل هذا القلب الذى احبك فى يدى وان احرقها وضعته تحت قدماى؟!
انسيت انك من بدأت الصداقة وانى كنت ارفضها ؟!
ومع ذلك حاولت كسرى وانت تعلم انى صلد شديد ما قاومنى احد الا قسمته.......
بدأت صداقتى معك وانت تعلم ان ما املكه من دمى والعاب انما هى حق موروث ولكنى ارفض الارث اخبرتك اننا سنلعب بها ولكن لن اعتمد عليها ولن اظل العب بها طويلا فلا اريد ان ينعتنى احد بانى من ورث الدمى
بل اريد ان اكون من اشترى الدمى اخبرتك انى احتاج الى وقت ليس بالطويل لاملك الدمى خاصتى
ظللت تخبرنى ان ارثها كما ورثها غيرى ولكنك تعلم انى لست هذا الشخص لانى لا احب ان يكسرنى احد او ان يكون له فضل عليا بل ساشتريها انا
نفرت منى وجزعت ولم يكن للصبر معك من بد فاخبرتك ان تبحث عن صديق يسعدك معه من الدمى الثمينة ما يكفيك
قلتها لك وقلبى يحرق كفى ولكن قلت صبرا فسيجد من يسعده ولتسعد بذلك وظننتك ستحسن الاختيار
لكنك وللاسف ذهبت لمن لا يليق بك ولا بى والله اخجلنى اختيارك نعم هو يملك الدمى ولكنه لايدرى كيف يحركها
نعم هو يملك الدمى ولكنى اظن ان هذه الدمى تنفره فما بالى بك؟!
حاولت ان ابتعد عنك حتى لا اعيد عليك التفكير وتقارن فيما بيننا وترى فرق التعامل مع الدمى ولكنك ابيت الا المقارنة
واعلم انك كنت تريد كسرى بهذا اللقاء ولكن كما اخبرتك هيهات هيهات لك ان تكسرنى هههههههههههههه"نعم اسخر بك وبه"
حينما جلسنا سويا وافصحت فى كلامك واعجبتنى بلاغة لسانى فاذا بك تشتعل نارا لتفاهة عقل ومنطوق صاحب الدمى الثمينة وازدادت حرقتك لما علمت انى احقا امتلك الدمى الثمينة "ههههههههههههههههههههه"فشلت فى اختبارى فلن تصبر معى ولن تكمل
الطريق لذلك قلت لك وداعا بلا عودة وانا منشرح الصدر على خيبتك وضياع املك وعلى هذا "الدهل"عذرا فى اللفظ طلبها صديقى هكذا
فلما جلست بمفردك وراجعت ما كان وما جرى وكيف كنت اعاملك وكيف كنت سعيدا وبينما تراه منه ومما سيجرى لك
اجد رقمك امام عيناى وحشرجة صدرك اسمعها وتخبرنى انك أخطأت وانك تريدنى ان اعود ...........!
عذرا صديقى لست انا نعم لست انا
عذرا انا السيد فى قومه السيد فى أصدقاءه
عذرا انا الاول فى قومه الاول فى اصدقاءه
عذرا انا لا اكون محل اختيار بل انا من يختار
عذرا تركتك تذهب لهذا المصير لانى اخبرتك انى اكسر لكن هيهات هيهات ان اكسر
عذرا تركتك لكى تنكسر وتأتينى كما جئتنى هكذا لتعلم من انا
عذرا لا استطيع ان ابتسم فى وجهك مرة ثانية فلا تستحقها
عذرا صديقى ان قابلتك ثانية فساحرق قلبك واشعل نارك ما استطعت
عذرا صديقى لا اجد لك شافعا لدى فلقد حاولت ان تحرقنى وهذا جزاؤك
عذرا صديقى لن اعود ولن تعود فاذهب بعيدا كى ترتاح وكى انساك

حينما يهان أو تهان

بسم الله
معلش يا جماعة كنت عاوز انزل بموضوع عن رمضان بقا وكده بس اللى اتكلموا فيه كتير والموضوع بتاع انهاردة ده كان شاغلنى اوى فحبيت اكلمكوا فيه الاول
حضرتك متخيل أومتخيلة الألم اللى بيشعر بيه الأب أو الأم عندما يهان أو تهان؟!
عارف شعور الأب اللى ربا وكبر ومحتاج يحس بمجهوده وتعبه فى انك تحترمه وتسمع كلامه وتكبر بيه مش تقول عليه راجل كبر وخرف؟!
عارفة شعور الام اللى سهرت وتعبت وحملت ووضعت لما تتشتم او تردى عليها رد مش كويس ؟!
عارف شعور امك لما تفضل عليها خطيبتك او مراتك ؟!
طيب ترضى ده يحصلك ؟!
طيب تقدر تتحمل غضبهم عليك وتستحمل نتيجته فى الدنيا والآخرة؟!
وانت عارف نتيجة برك بيهم وانك تنال رضاهم؟!
انا هذكر بعض الاحاديث والآيات القرآنية والقصص التى توضح فضل البر ونتيجة العقوق يارب ما تزهقوش
في الصحيحين من حديث عبد الله بن مسعود قال: سألت رسول الله : أي الأعمال أحب إلى الله؟ قال: ((الصلاة على وقتها، قلت: ثم أي؟ قال: ثم بر الوالدين، قلت: ثم أي؟ قال: ثم الجهاد في سبيل الله)).
وعن عبد الله بن عمرو رضي الله عنهما أن رسول الله قال لرجل استأذنه في الجهاد: ((أحي والداك؟ قال: نعم، قال: ففيهما فجاهد)) [رواه البخاري].
وعنه أيضاً أن النبي قال: ((رضى الرب في رضى الوالد، وسخط الرب في سخط الوالد)) [رواه الترمذي وصححه ابن حبان].
وعن معاوية بن جاهمة قال: جاء رجل إلى رسول الله فقال لرسول الله: أردت أن أغزو وقد جئت أستشيرك، فقال: ((هل لك أم؟ قال: نعم، قال: فالزمها فإن الجنة تحت رجليها)) [رواه النسائي وابن ماجه بإسناد لا بأس به].
وها هو رسول الله يدعو على من أدرك أبويه أو أحدهما ثم لم يدخل الجنة، فيقول كما في صحيح مسلم عن أبي هريرة: ((رغم أنفه، رغم أنفه، رغم أنفه، قيل: من يا رسول الله؟ قال: من أدرك أبويه عنده الكبر أحدهما أو كليهما ثم لم يدخل الجنة)).
وبر الوالدين من أعظم القربات وأجل الطاعات، وببرهما تتنزل الرحمات وتكشف الكربات.
وما قصة الثلاثة الذين أطبق عليهم الغار فلم يستطيعوا الخروج منه، فقال بعضهم لبعض: انظروا أعمالاً عملتموها لله صالحة، فادعوا الله بها لعله يفرجها فقال أحدهم: ((اللهم إنه كان لي والدان شيخان كبيران، ولي صبية صغار، كنت أرعى عليهم، فإذا رجعت إليهم، فحلبت، بدأت بوالدي اسقيهما قبل ولدي، وإنه قد نأى بي الشجر (أي بعد علي المرعى) فما أتيت حتى أمسيت، فوجدتهما قد ناما، فحلبت كما كنت أحلب، فجئت بالحلاب، فقمت عند رؤوسهما أكره أن أوقظهما، وأكره أن أبدأ بالصبية قبلهما، والصبية يتضاغَون عند قدمي (أي يبكون)، فلم يزل ذلك دَأْبي ودأبهم حتى طلع الفجر، فإن كنت تعلم أني فعلت ذلك ابتغاء وجهك فافرج لنا ففرّج الله لهم حتى يرون السماء)).
وهل أتاك نبأ أويس بن عامر القرني؟ ذاك رجل أنبأ النبي بظهوره، وكشف عن سناء منزلته عند الله ورسوله، وأمر البررة الأخيار من آله وصحابته بالتماس دعوته وابتغاء القربى إلى الله بها، وما كانت آيته إلا بره بأمه، وذلك الحديث الذي أخرجه مسلم: كان عمر إذا أتى عليه أمداد أهل اليمن سألهم، أفيكم أويس بن عامر؟ حتى أتى على أويس بن عامر فقال: أنت أويس بن عامر؟ قال: نعم، قال: من مراد؟ قال: نعم، قال: كان بك برص فبرأت منه إلا موضع درهم؟ قال: نعم، قال: لك والدة؟ قال: نعم، قال: سمعت رسول الله يقول: ((يأتي عليكم أويس بن عامر مع أمداد اليمن من مراد ثم من قرن، كان به أثر برص فبرأ منه إلا موضع درهم، له والدةٌ هو بارٌ بها، لو أقسم على الله لأبرّه، فإن استطعت أن يستغفر لك فافعل)). فاستغفر لي، فاستغفر له، فقال له عمر: أين تريد؟ قال: الكوفة، قال: ألا أكتب لك إلى عاملها؟ قال: أكون في غبراء الناس أحب إلي.
يقول بن مسعود ثلاث فى القرآن مقرونة بثلاث"اى ثلاثة امور لا تصلح الا بثلاث متلازمات"
1-"وقضى ربك ألا تعبدوا إلا إياه وبالوالدين إحساناً" [الإسراء: 23].
2-"وأقيموا الصلاة وآتوا الزكاة" 3-"أطيعوا الله وأطيعوا الرسول"
الشاهد منها "وقضى ربك ألا تعبدوا إلا إياه وبالوالدين إحساناً "فمن عبد الله وعق والديه لم يتقبل منه ومن عق والديه واشرك بالله لم يتقبل منه.
ولقد نادى رب العزة على سيدنا موسى "قال :يا موسى بر والديك وأمر الناس بالبر ياموسى من بر والديه وعاقنى كتبته بارا ,يا موسى من عاق والديه وبرنى كتبته عاقا" <وإن لم أكن متذكرا نص الرواية جيدا >
وقال تعالى:" قل تعالوا أتل ما حرم ربكم عليكم ألا تشركوا به شيئاً وبالوالدين إحساناً "[الأنعام: 151].
بل إن بر الوالدين من المواثيق التي أخذت على أهل الكتاب من قبلنا،" وإذ أخذنا ميثاق بني إسرائيل لا تعبدون إلا الله وبالوالدين إحساناً وذي القربى واليتامى والمساكين وقولوا للناس حسناً" [البقرة: 83].
قال تعالى:" واعبدوا الله ولا تشركوا به شيئاً وبالوالدين إحساناً".
قال ابن عباس رضي الله عنهما: يريد البر بهما مع اللطف ولين الجانب، فلا يغلظ لهما في الجواب، لا يحد النظر إليهما، ولا يرفع صوته عليهما، بل يكون بين يديهما مثل العبد بين يدي السيد تذللاً لهما.
وقضى ربك إلا تعبدوا إلا إياه وبالوالدين إحساناً. . الآية.
قال الهيثمي عند قوله تعالى:" وقل لهما قولاً كريماً" أي اللين اللطيف المشتمل على العطف والاستمالة وموافقة مرادهما وميلهما ومطلوبهما ما أمكن لا سيما عند الكبر، "واخفض لهما جناح الذل من الرحمة" ثم أمر تعالى بعد القول الكريم بأن يخفض لهما جناح الذل من القول، بأن لا يُكلما إلا مع الاستكانة والذل والخضوع، وإظهار ذلك لهما، واحتمال ما يصدر منهما، ويريهما أنه في غاية التقصير في حقهما وبرهما.
ولا يزال على نحو ذلك حتى ينثلج خاطرهما، ويبرد قلبهما عليه، فينعطفا عليه بالرضا والدعاء، ومن ثم طلب منه بعد ذلك أن يدعو لهما، "وقل رب ارحمهما كما ربياني صغيراً".
وكان أبو هريرة إذا أراد أن يخرج من دار أمه وقف على بابها فقال: السلام عليك يا أمتاه ورحمة الله وبركاته، فتقول: وعليك يا بني ورحمة الله وبركاته، فيقول: رحمك الله كما ربيتني صغيراً، فتقول: ورحمك الله كما سررتني كبيراً، ثم إذا أراد أن يدخل صنع مثل ذلك.
انا عاوزكوا تقروا القصة دى ومعلش لو هتعب قلوبكم بس شوفوا جزاء الأم اللى سهرت وتعبت كان ايه
قال راوي القصة: خرجت لنزهة مع أهلي على شاطئ البحر، ومنذ أن جئنا هناك، وامرأة عجوز جالسة على بساط صغير كأنها تنتظر أحداً، قال: فمكثنا طويلاً، حتى إذا أردنا الرجوع إلى دارنا وفي ساعة متأخرة من الليل سألت العجوز، فقلت لها: ما أجلسك هنا يا خالة؟ فقالت: إن ولدي تركني هنا وسوف ينهي عملاً له، وسوف يأتي، فقلت لها: لكن يا خالة الساعة متأخرة، ولن يأتي ولدك بعد هذه الساعة، قالت: دعني وشأني، وسأنتظر ولدي إلى أن يأتي، وبينما هي ترفض الذهاب إذا بها تحرك ورقة في يدها، فقال لها: يا خالة هل تسمحين لي بهذه الورقة؟ يقول في نفسه: علَّني أجد رقم الهاتف أو عنوان فإذا هو مكتوب: إلى من يعثر على هذه العجوز نرجو تسليمها لدار العجزة عاجلاً.
حتى ما ودهاش بنفسه رماها فى الشارع لأى حد يوديها وهى من طيبتها مصدقة ان ده ابنها وجاى لسه فلتنتظر من جف قلبه وغلظ
أغرى أمرؤ يوماً غلاماً جاهلاً بنقوده كي ما يحيق بـه الضـرر
قال ائتني بفـؤاد أمك يا فتـى ولك الجواهـر والدراهـم والدرر
فأتى فأغرز خنجراً في قلبهـا والقلب أخرجـه وعاد على الأثر
ولكنه من فـرط سرعة هوى فتدحرج القـلب المعفـر بالأثـر
نـاداه قلب الأم وهـو معفـر ولدي حبيبي هل أصابك من ضرر
يقول العلماء: كل معصية تؤخر عقوبتها بمشيئة الله إلى يوم القيامة إلا العقوق، فإنه يعجل له في الدنيا، وكما تدين تدان.
ذكر العلماء أن رجلاً حمل أباه الطاعن في السن، وذهب به إلى خربة فقال الأب: إلى أين تذهب بي يا ولدي، فقال: لأذبحك فقال: لا تفعل يا ولدي، فأقسم الولد ليذبحن أباه، فقال الأب: فإن كنت ولا بد فاعلاً فاذبحني هنا عند هذه الحجرة فإني قد ذبحت أبي هنا، وكما تدين تدان.
وهذا شاب آخر يجر أباه جرا إلى خارج الشقة ويريد ان ينزله على السلم فإذا بأبيه يقول له كفى بنى والله من تلاتين سنة خرجت أبويا لحد باب الشقة بس ما نزلتوش على السلم .............
ياريت ما اكونش اتعبت القلوب بس يا جماعة عاوزين نفكر ألف مرة قبل ما نقول كلمة تزعل حد من آبائنا فيحل بها علينا سخطهم وسخط الله وينزل علينا من الغضب ما لا نطيق
مهما شيطانك سهلك الامور افتكر ان ده ابوك او دى امك افتكر اكرامهم وبرهم وفضله اعمل كده علشان لما تكبر تلاقى ابنك يبرك او بنتك تعطف عليك
عاوزين نتعود على البر والطاعة بشوية حاجات بسيطة بس هتساعدنا على البر فى رأيى
مثلا
1-حينما تتحدث عنهم فاستخدم الفاظا مهذبة تليق بهما.
2-الا تسبق خطواتك خطواتهما.
3-الا تنظر اليهم نظرة فيها حدة واستهتار.
4-ان تسمع اليهم بوقار وتشعرهم باهمية ما يقولون وان كان كلاما معادا او معروفا بالنسبة اليك.
5-ألا تقدم عليهم احدا ابدا .
اللهم اعنا على طاعتك وبر آبائنا وأمهاتنا وكل عمل يقربنا اليك
عذرا على الاطالة

تلات مواقف بجد تعبتنى

الاول:- ده نسميه مناهدة (او انا والشيخ حمدين)
واحد فى بلدنا مربى دقنه وملقب بالشيخ مع انى ما بشفوش فى صلاة الجماعة خالص المهم ليه افكار واقوال غريبة الشكل والطعم واللون مثلا يقلك الجن والانس بيتزاوجو ازاى يا شيخنا ؟يقلك اسكت انت مش هتفهم ."اصل هو عبقرى ومعدى"
الواقعة بقا اللى معايا بيقلى يا سيدى المفروض اول ما تتجوز المفروض فى الشرع انك تكسرلها دراع او رجل او ضلع. قلتله انت بتتكلم بجد ولا بتهزر قال لا والله بجد وانا عملت كده قلتله ليه او باى حق قالى زوجتى وبقومها قلتله عملت غلط قال لا علشان ما تعملوش وبعدين الشرع بيقول لازم تكسرها فى ليلة العرس "قصده الدخلة ما هو شيخ بقا" قلتله طيب هاتلى دليل على كلامك قالى شوف الكفر اول ما نقلهم الشرع يقلك دليل حرام عليكو قلتله يا شيخنا انت قلت حاجة لازم يبقا معاك حجة علشان تقنع الكفرة اللى انت بتقول عليهم قالى طيب انت معاك دليل ان ده مش فى الشرع قلتله خد يا سيدى

ثبت عن رسول الله صلى الله عليه وسلم أنه قال في حجة الوداع: "ألا واستوصوا بالنساء خيراً فإنما هن عوان عندكم ليس تملكون منهن شيئاً غير ذلك، إلا أن يأتين بفاحشة مبينة، فإن فعلن فاهجروهن في المضاجع، واضربوهن ضربا غير مبرح فإن أطعنكم فلا تبغوا عليهن سبيلاً، ألا إن لكم على نساءكم حقا ولنسائكم عليكم حقا ... الحديث) أخرجه الترمذي وقال حديث حسن صحيح.
وخرج الإمام أبوداود في سننه من حديث معاوية بن حيدة رضي الله عنه قال: قلت يا رسول الله ما حق زوجة أحدنا عليه قال: أن تطعمها إذا طعمت، وتكسوها إذا اكتسيت، ولا تضرب الوجه ولا تقبح، ولا تهجر إلا في البيت".
الله جل وعلا قد حرم على كلا الزوجين ـ بل على عموم الخلق ـ الظلم والتعدي، ولا ريب أن في ضرب الزوجة بلا مسوغ شرعي أذية لها، واعتداء على حقها، فإن من حقوقها المعاملة والمعاشرة بالمعروف قال تعالى: (ولهن مثل الذي عليهن بالمعروف) [البقرة:228] وقال جل وعلا: (وعاشروهن بالمعروف)[ النساء:19]. وقد حرم الله جل وعلا إبقاء الزوجة في العصمة بقصد إذايتها ومضارتها، وسمى ذلك اعتداءً وظلماً، قال جل وعلا: (ولا تمسكوهن ضراراً لتعتدوا، ومن يفعل ذلك فقد ظلم نفسه)[ البقرة: 231] وقد ثبت مرفوعا إلى النبي صلوات الله وسلامه عليه أنه قال: "لا ضرر ولا ضرار" أخرجه الإمام أحمد في مسنده وهو أيضا في سنن الدارقطني.
عاوز حاجة تانية يا شيخنا قال اتصدق انا غلطان بضيع وقتى مع جهلة زيكو "والله ما حاشوا من ايدى الا مراته "
بتقلى يا بنى دا اهبل بس العيال بقا ابنه قدنا وعاوز يقعده من التعليم علشان يصرف عليه وهو يبطل شغل لسه هناقشه فى دى
التانى :-طبقات
لسه فى بلدنا برده اتنين اخوات بيتجوزوا واهلهم ناس غلابة والعيال لسه بتبنى نفسها وما يعرفوش حد يعنى المهم محتاجين عربيتين يتزفوا فيهم انا كنت ماشى مع صحابى فلاقتهم رايحين لواحد عنده عربية سالوه قالهم لا دا انا مش فاضى لا النهاردة ولا بكرة ولا بعده قلت دا بقا مهم اهه العيال مشيت وواحد بيسال التانى هنعمل ايه قالوا لو ما لقتش هجيب تكتك ؟!
وروحت وقعدت افكر شوية هى بلدنا دى عاملة كده ليه لما جينا نعمل شبكة اختى ما قلتش لحد هات عربية ويومها العصر لاقيت حوالى
30 عربية قدام البيت ما فيهمش حاجة اقل من المرسيدس جينا نعمل خطوبة اخويا وقلنا عائلية وما عزمناش حد كنا احنا واعمامى حوالى 8 عربيات اقلهم متسوبيشى
وولاد عمى بيبقوا كده واى حد معاه فلوس بيبقا كده بنروح نجامله من غير ما يقول ونجرى معاه مع انه مش محتاج انا مش محتاج حد يبعتلى عربية بس بعتولى وما طلبتهاش دا محتاج لو عربية نقل ومش راضيين ليه بناكل فى بعض اللى وصل مش عاوز حد غيره يوصل واللى عمل لابنه حاجة حلوة مش عاوز حد احلى منه دا مش هيبقى احلى دا عاوز عربية واحدة بس
زعلت قوى وقلت هزفهم انا بس القدر ظروف الوفاة منعتنى ربنا يسهلهالهم "ما تقلقوش فرجت "
التالت :-طمع
ست كبيرة قاعدة بتبيع شوية عنب حب مش فى القطف جايباهم من اى ارض الست عجوزة جدا وراكبة مواصلات علشان تبعهم فى بلد تانية
ربنا يديها الصحة ويعين كل حى على حاله انا مش بعترض على امره سبحانه بس انا وانت وانتى نقدر نقعد الست دى فى بيتها والقدرة من عند ربنا بس عندنا العلماء بتوعنا بتوع تجارة عملوا احصائيات لأغنياء العالم الاسلامى اللى بيلعبوا فى ملايين ومليارات وقالوا ان احنا لو خدنا منهم زكاة اموالهم كما حددتها الشريعة الاسلامية ما بقى فى العالم الاسلامى فقير واحد انما الغنى مش عاوزك تبقا اغنى منه يا اهبل هو الجنيه ده هيخليه يبقى مليونير دا بيدور على لقمة عيش ياكلها و كسوة يلبسها يعنى يعيش مستور هو وعياله انما الالف جنيه اللى هتزكى بيه ده هيفقرك بلاش طمع بقا
عارفين الناس الغلابة دى مش طماعين ابدا والله ولا حقد طبقى زى ما الهبل بيقولوا والله دخلت عليها وبديها حقها عندى قالت مش هاخد الا لو دقت العنب
ايها الاغنياء اعلموا ان الاموال وديعة اودعها الله فى يد الاغنياء ليوصلوها الى الفقراء فلا تبخل ولا تطمع
فمن فوائدها: تثبيت أواصر المودة بين الغني والفقير، لأن النفوس مجبولة على حب من أحسن إليها.
ومنها: تطهير النفس وتزكيتها، والبعد بها عن خلق الشح والبخل، كما أشار القرآن الكريم إلى هذا المعنى في قوله تعالى: خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِم بِهَا [التوبة:103].
ومنها: تعويد المسلم صفة الجود والكرم والعطف على ذي الحاجة.
ومنها: استجلاب البركة والزيادة والخلف من الله، كما قال تعالى: وَمَا أَنفَقْتُم مِّن شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ [سبأ:39] وقول النبي صلى الله عليه وسـلم في الحديث الصحيح: { يقول الله عز وجل: يا ابن آدم، أنفق ننفق عليك } إلى غير ذلك من الفوائد الكثيرة.
وقد جاء الوعيد الشديد في حق من بخل بها أو قصر في إخراجها، قال الله تعالى: وَالَّذِينَ يَكْنِزُونَ الذَّهَبَ وَالْفِضَّةَ وَلاَ يُنفِقُونَهَا فِي سَبِيلِ اللّهِ فَبَشِّرْهُم بِعَذَابٍ أَلِيمٍ (34) يَوْمَ يُحْمَى عَلَيْهَا فِي نَارِ جَهَنَّمَ فَتُكْوَى بِهَا جِبَاهُهُمْ وَجُنوبُهُمْ وَظُهُورُهُمْ هَـذَا مَا كَنَزْتُمْ لأَنفُسِكُمْ فَذُوقُواْ مَا كُنتُمْ تَكْنِزُونَ [التوبة:34، 35].
فكل مال لا تُؤدَّى زكاته فهو كنز يعذب به صاحبه يوم القيامة، كما دل على ذلك الحديث الصحيح عن النبي أنه قال: { ما من صاحب ذهب ولا فضة لا يؤدي حقها إلا إذا كان يوم القيامة صُفحت له صفائح من نار فأٌحمي عليها في نار جهنم، فيُكوى بها جنبه وجبينه وظهره، كلما بردت أٌعيدت له في يوم كان مقداره خمسين ألف سنة، حتى يقضى بين العباد فيرى سبيله، إما إلى الجنة، وإما إلى النار }.ثم ذكر النبي صاحب الإبل والبقر والغنم الذي لا يؤٌدي زكاتها، وأخبر أنه يعذب بها يوم القيامة.
وصح عن رسول الله أنه قال: { من آتاه الله مالاً فلم يؤد زكاته مُثل له شجاعاً أقرع له زبيبتان يطوقه يوم القيامة، ثم يأخذ بلهزمتيه - يعنى شدقيه - ثم يقول: أنا مالك، أنا كنزك }، ثم تلا النبي قوله تعالى: وَلاَ يَحْسَبَنَّ الَّذِينَ يَبْخَلُونَ بِمَا آتَاهُمُ اللّهُ مِن فَضْلِهِ هُوَ خَيْراً لَّهُمْ بَلْ هُوَ شَرٌّ لَّهُمْ سَيُطَوَّقُونَ مَا بَخِلُواْ بِهِ يَوْمَ الْقِيَامَةِ [آل عمران:180].
ربنا يوفقنا جميعا الى ما يحب ويرضى معلش لو طولت سلام بقا

عارفين اللى انا بحبه

بحبه اوى والله على ما اقول شهيد مكانه عظيم قوى وقدره عالى جدا لما بسمع عنه وعن فضله على الامم قلبى بيقشعر وبحس برعشة جامدة وفرحة كبيرة وعنيا بتفيض بالدموع لانه حبيب الرحمن وخير الخلق اجمعين هقولكوا شوية حاجات عنه بحبها قوى وبفخر بيها وبتحركنى جامد وعاوزكوا تشاركونى الشعور ده

لقد خلق الله الخلق واصطفى من الخلق الأنبياء، واصطفى من الأنبياء الرسل، واصطفى من الرسل أولى العزم الخمسة، نوحا وإبراهيم وموسى وعيسى ومحمداً- صلوات الله عليهم جميعا- واصطفى من أولى العزم الخمسة الخليلين الحبيبين إبراهيم ومحمداً واصطفى محمداً على جميع خلقه، فشرح له صدره ورفع له ذكره وأعلى له قدره ووضع عنه وزره، وزكاه ربه فى كل شئ. زكاء فى عقله فقال سبحانه: {مَا ضَلَّ صَاحِبُكُمْ وَمَا غَوَى} (2) سورة النجم وزكاه فى صدقه فقال سبحانه: {وَمَا يَنطِقُ عَنِ الْهَوَى} (3) سورة النجم، وزكاه فى فؤاده فقال سبحانه: {مَا كَذَبَ الْفُؤَادُ مَا رَأَى} (11) سورة النجم، وزكاه فى بصره فقال سبحانه: {مَا زَاغَ الْبَصَرُ وَمَا طَغَى} (17) سورة النجم، وزكاه فى صدره فقال سبحانه: {أَلَمْ نَشْرَحْ لَكَ صَدْرَكَ} (1) سورة الشرح، وزكاه فى ذكره فقال سبحانه {وَرَفَعْنَا لَكَ ذِكْرَكَ} (4) سورة الشرح ، وزكاه فى طهره فقال سبحانه: {وَوَضَعْنَا عَنكَ وِزْرَكَ} (2) سورة الشرح، وزكاه فى حلمه فقال سبحانه: {لَقَدْ جَاءكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَؤُوفٌ رَّحِيمٌ} (128) سورة التوبة، وزكاه كله فقا سبحانه: {وَإِنَّكَ لَعَلى خُلُقٍ عَظِيمٍ} (4) سورة القلم بأبى هو وأمى.
عن أبي هريرة -رضي الله عنه- قال : قال رسول الله -صلى الله عليه وسلم-: " فضلت على الأنبياء بست ، أعطيت جوامع الكلم ، ونصرت بالرعب،وأحلت لي الغنائم ، وجعلت لي الأرض طهوراً ومسجداً ، وأرسلت إلى الخلق كافة،وختم بي النبيون ".
عن ثوبان – رضي الله عنه-، قال رسول الله -صلى الله عليه وسلم-: " وإنه سيكون من أمتي كذابون ثلاثون ، كلهم يزعم أنه نبي ، وأنا خاتم النبيين ، ولا نبي بعدي" رواه أبو داود
من حديث جبير بن مطعم -رضي الله عنه- قال : قال رسول الله -صلى الله عليه وسلم-: " أنا محمد ، وأنا أحمد، وأنا الماحي الذي يمحو الله بي الكفر، وأنا الحاشر الذي يحشر الناس على قدمي ، وأنا العاقب"، والعاقب الذي ليس بعده نبي
من حديث أبي هريرة -رضي الله عنه- قال : قال رسول الله -صلى الله عليه وسلم-: "إن مثلي ومثل الأنبياء من قبلي كمثل رجلٍ بنى بيتاً ، فأحسنه وأجمله إلا موضع لبنة من زاوية ، فجعل الناس يطوفون به ، ويعجبون له ، ويقولون: هلا وضعت هذه اللبنة ، قال : فأنا اللبنة وأنا خاتم النبيين ".

قال ابن عباس رضى الله عنهما: والله ما خلق الله وما ذرأ وما برأ نفساً أكرم عليه من محمد، وما سمعت الله أقسم بحياة أحد غير محمد فقال جل وعلا: {لَعَمْرُكَ إِنَّهُمْ لَفِي سَكْرَتِهِمْ يَعْمَهُونَ} (72) سورة الحجرأقسم الله بحياة حبيبه المصطفى فيقول ربه له: وحياتك يا محمد.
انا مش هوضح حاجة من الكلام ده كلو واضح وسهل بس عاوزكوا تعيشوه معايا وخدو 3 احاديث فى وصفه صلى الله عليه وسلم
عن أبي الطفيل –رضي الله عنه- (وكان آخر من مات من الصحابة) قال: رأيت رسول الله –صلى الله عليه وسلم- وما على وجه الأرض رجل رآه غيري، رأيته أبيض مليح الوجه". رواه مسلم.
عن البراء –رضي الله عنه- قال: " كان رسول الله –صلى الله عليه وسلم- أحسن الناس وجهاً، وأحسنهم خلقاً، ليس بالطويل البائن ولا بالقصير" رواه البخاري.
وعن كعب بن مالك –رضي الله عنه - قال: "كان رسول الله –صلى الله عليه وسلم- إذا سرّ استنار وجهه كأنه قطعة قمر" متفق عليه.
ودى بقا الرواية اللى خلتنى اكتب الموضوع دا كله لانها هزتنى من جوايا كزلزال

عن "ابن عباس، قال: جلس ناس من أصحاب النبي صلى الله عليه وسلم ينتظرونه، قال: فخرج وعن ابن عباس، قال: جلس ناس من أصحاب النبي صلى الله عليه وسلم ينتظرونه، قال: فخرج حتى إذا دنا منهم سمعهم يتذاكرون، فسمع حديثهم، فقال بعضهم: عجباً ! إن الله اتخذ من خلقه خليلاً، اتخذ إبراهيم خليلاً وقال آخر: ماذا بأعجب من كلام موسى، كلمه الله تكليماً وقال آخر: فعيسى كلمه الله وروحه وقال آخر: وآدم اصطفاه الله فخرج عليهم فسلم، وقال: قد سمعت كلامكم وعجبكم، أن الله تعالى اتخذ إبراهيم خليلاً، وهو كذلك، وموسى نجي الله وهو كذلك، وموسى نجي الله، وهو كذلك، وعيسى روح الله، وهو كذلك، وآدم اصطفاه الله، وهو كذلك، ألا وأنا حبيب الله ولا فخر، وأنا أول شافع وأول مشفع ولا فخر، وأول من يحرك حلق الجنة فيفتح الله لي فيدخلنيها ومعي فقراء المؤمنين ولا فخر، وأنا أكرم الأولين والآخرين ولا فخر

أغر عليه للنبوة خاتم وضم الأله أسم النبى إلى اسمه
وشق له من اسمه ليجله من نور يلوح ويشهد
إذا قال فى الخمس المؤذن أشهد فذو العرض محمود وهذا محمد
فاللهم صلى على محمد وعلى آل محمد كما صليت على ابراهيم وعلى آل ابراهيم انك حميد مجيد
وبارك على محمد وعلى آل محمد كما باركت على ابراهيم وعلى آل ابراهيم فى العالمين انك حميد مجيد

والله انا اللى ظلمتك مش هو

موضوع ماجله من اول الامتحانات لظروف الوفاة ولانى مش متابع النت علطول فلواتاخرت فى الرد ما تزعلوش
الموضوع باختصار انى عاوز ابعت رسالة لاختى ولامى ولحبيبتى"عندى معناها خطيبتى او زوجتى هههه"ولبنتى مستقبلا
اقلها"والله انا الللى ظلمتك مش الاسلام"
انا الللى ظلمتك بجهلى بقمتك ومكانتك فى الاسلام ظلمتك بفهمى الخاطئ لمعنى كلمة الرجل ظلمتك بالتعصب القبلى اللى عايش جوايا ظلمتك بنظرة المجتمع الخاطئة للرجولة
انا راجل يعنى الراى رأيى والشورة شورتى انا اللى اقوله يتنفذ حتى لو غلط دا راىمعظم الرجال فى عصرنا يبقى هو اللى قال مش الاسلام طيب نشوف الاسلام قال ايه
النبى عليه الصلاة والسلام نور الامة ومعلمها ونبراس الرجولة اخذ يرأى السيدة ام سلمة هند بنت امية بعد صلح الحديبية لما ابا الصحابة ان يطيعوا امره بالحلقونحر الهدى فدخل عليها الخيمة غضبان فاشارت عليه ان يحلق وينحر امامهم ففعل وفعلوا خلفه هذا هو النبى ياخذ براى زوجته
انا ظلمتك بس عارفة ظلمتك ليه لانى حبيتك قوى هودا السبب انى حبيتك
لانك امى مش عاوزك تخرجى من باب البيت الا فى كامل زيك وهيئتك وعاوز احيبلك كل حاجة وانتى ما تخرجيش مش عاوز اتعبك ابدا
ممكن ازعلك بتكتمى الشديد وانغلاقى ده بس ده مش امر الاسلام دى اوامرى انا سى السيد الاسلام وصانى بحسن صحابتك وكلنا علرف الحديث الاسلام قالى انى اخدمك احسن من الجهاد "لما سال احد الصحابة النبى ص فى الخروج للجهاد قاله الك ام قال نعم قال الزمها فان الجنة تحت اقدامها "
لانك اختى فانتى لؤلؤتى المكنونة التى يجاب انا احافظ عليها حتى تصل الى بيت زوجها فيكمل مسيرة الحفظ وكأنه لا دخل لكى فى حياتك حاجة محفوظة من ايد لايد ما لهاش حقوق ولا حاجة تخدمينى وتساعدى ماما وخلاص لا وتلبسى اللى انا عاوزه ممكن دا من حبى فيكى او خوف على سمعتى ورجولتى مع ان الاسلام ما فرقش بين ولد وبنت وقال هى تعما وانت لآ ولا قال انك انت اللى تمشى رأيك عليها بس دا حكم سى السيد "المال والبنون زينة الحياة الدنيا "البنون يعنى ولاد وبنات مش ولاد بس
ولانك حبيبتى فانا حاسس انك بتاعتى انا بس مش عاوز حد غيرى يشوفك مش عاوز الهوا فى الشارع يلمسك مش عاوز دلع ولا هزار ولا صوت مش عاوز رأيك عاوزك انتى بس مع ان الاسلام ما قالش كده دا النبى عليه الصلاة والسلام كان بيداعب السيدة عائشة وكان بيقوم على حاجة اهله يساعدهم فى اعمال البيت ايوة فى شغل البيت
بصى يا اختى انا ظلمتك بذكورتى وياريت ما تدخليش الاسلام فى الموضوع دا غلطى انا لو قلتى ان الاسلام ظلمك نتيجة افعال الرجال المسلمين فيحق للغرب ان يقولوا انا المسلمين رجالا ونساء قد ظلموا العالم
لان لا اللى انتى بتعمليه ولا اللى انا بعمله هو ده الاسلام يبقا احنا شوهنا صورته امام العالم اجمع وكذلك الرجال اللى بتستخدم اسم الاسلام ظلموه
وبعدين كلنا عارفين ان اللى بيحصل مش من الاسلام يبقى بلاش نظلمه معانا طبقيه وانا هطبقه وهتشوفى ازاى الاسلام امر بمعاملة النساء
ياريت تسامحينى وتسامحى جهلى وحبى الزايد

ولاد وبنات فى لبس الخواجات !!

بسم الله والصلاة والسلام على رسول الله
والله يا اخوانا الامر محير والموضوع خطير انا محتار اترجمه بايه والله ؟!
اقول تقليد اعمى ولا عجز ولا ضعف ولا احساس بالنقص ولا.........ولا......ولا.........!!!!!!!!
الاول قلنا آبائنا وامهاتنا حفظهم الله هيخافو على اخواتنا الفضليات وما فيش ام او اب هيسمحم لبناتهم بالخروج فى زى التبرج تبرج ؟؟ تبرج ايه ياعم سيبك من الكلام الكبير ده وانزل من على المنبر........حاضر براحة خالص اهه
ما كانش الاهل بيسمحوا للبنت تخرج وهى مش لابسة لبس محترم يسترها ويحفظهامن اعين اللئام والشباب السيكو سيكو تمام ؟
جينا لقينا ماما بتقول البنت اتاخرت على الخطوبة والجواز ما بلاش خمار يا بنتى واللبس الواسع قوى ده والبسى حاجة كده من اللى هيا شفتشى دى خلى الناس تشوفك يمكن ربنا يرزقك بابن الحلال بدل وقف الحال ده
والله ؟! هى لما هتلبس حاجة تكشف جسمها وتمشى لابسة ولا كأنها لابسة هتتجوز "بلاش كاسيات عاريات اها "
ياختى تك داهية
هتتجوز ايه عيل مش محترم مش هيخاف عليها ولا يصونها هتتجوز واحد آخره شارع الهرم عاوز رقاصة مش عروسة
يعنى فيه واحد محترم يعرف ربنا من اللى الواحد يؤتمنهم على النفس والنفيس اول ما هيفكر يتجوز هيدور على مين بالعقل كدا يا خوانا المحترمة العفيفة ولا المتبرجة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انتى عاوزة تجوزيها لمين بالظبط الاخ الفلانى اللى كل الناس بتحكى عن ادبه واحترامه ومعروف خلقه ودينه وهيحفظها ويرعاها ويتقى الله فيها
ولا هتجوزيها للواد هيثم ابن الجيران الواد التوتو ده اللى بكرة لا هيعرف بيت ولا مسئولية وهتشيلى انتى وبنتك الهم طول عمركو ا وبكرة هيشوف غيرها اصل الجميلات كتروا لان الورنيش واللبس الضيق كتير بس المحترمات العفيفات شوية ووالله ثم والله بقوا بيتخحطفوا
بس نقول ايه ناقصات عقل ودين بقا !
طيب دى ماما انت فين بقا يا بابا؟!
والله يا بنى المدام شايفة كده وبعدين انا مش فاضى انا بقوم الصبح اخفى الشغل علشان اجبلهم الاكل واللبس والمكياج ما انت عارف ان الحاجات دى غالية ؟اه والله يا خويا عارف
طيب بس القرآن والحديث بيقولو....
استنى ؟نعم يا حاج ؟والله عارف بيقولو ايه بس البت تتخطب وليك عليا هتلبس خمارها وترجع تانى محترمة
الله كلام جميل قوى بس موت يا حمار
انت عاوز تقلعها ثوب العفة والطهارة وتقلها هاتى وراكى عيل ولا اتنين كل يوم وبعد كده هترجع محترمة تانى ؟انت اهبل ولا بتستهبل ؟
قلنا دا راجل كبر وخرف اكيد حمادة اخوها هيتصرف
نيجى نبص لحمادة نلاقيه عاوز حد يرفعله البنطلون يا دى الفضيحة دا لما بيقعد ايه ما اقلكش كله بيبان ههههههههههه عاوز تتجوز ولا ايه يا كتكوتة انت كمان البنطلون نفسه فى استك ولا حزام يمسكه بدل ما كل شوية واحد بيقله حوش اللى وقع منك ويبهدله فى الاض
انصح اختك يا بنى ؟ ولا استنى اختك ايه خلينا فيك الاول
ايه اللى انت عامله ده بنطلون واقع وتى شيرت محزق وسلسة زى بتاعة الكلب ولبانة زى السيكوهات
ايه يا بنى انت هتقلب ولا ايه؟؟؟؟ عاوز افهم
يقلك امشى يا عم انت حمار مش فاهم الموضة ؟
موضة ايه وزفت ايه الله يخرب بيت ابوك
الموضة انك تتخلى عن رجولتك وكرامتك مش مهم انت تتحرق المهم هنعمل ايه مع اختك؟
يقلك خليك سبو ر وسيبها على راحتها اللى عاوزة تعمله تعمله وانا مالى تمام اوى كده يا معلم وتسلملى رجولتك
وكده ضاعت البت من ايدينا
ولا حول ولا قوة الا بالله
قبل ما اخلص هقول رسالة لكل اخت متبرجة معلش الكلمة وقعها كبير بس معناها اكبر تبرج يعنى تفريط فى زيك وعفتك وطهارتك بقلك يا اختى انتى مش هتشيلى ذنب مخالفة امر الله ورسوله فقط لانك هتخالفى امر القرآن بعدم التبرج بل وكمان هتشيلى وزر اللى هيبصولك
نعم؟ اللى هيبلصولى ؟اه والله يااختى اى شاب هيبصلك ويعجب بيك وركز معاكى هو هيشيل ذنب وانتى كمان هتشيلى ذنب لانك لو التزمتى ما كانش هيبص واحسبى بقا كام واحد هيبصلك؟
لا وكمان ايه عارفة البنات اللى هتفتن بيكى وبلبسك ......... اه ما لهم ؟ هتشيلى ذنبهم لان لو واحدة شافتك وكانت ملتزمة ولاقت الناس بتبدى اعجابها بيكى وحبت تعيش الشعور ده وتبرجت او حدثت نفسها بكده انتى هتشيلى وزرها علشان زعزعتى ايمانها بنفسها وهى هتشيل وزر نفسها وناس هتبصلها يبقى تشيلى وزرها ووزرهم وهكذا دواليك
يعنى التبرج ده هم انتى مش قده يا اختى والله
شروط زيك بقا قبل ما تمشى
استيعاب جميع البدن إلا ما استثني. ( وهو الوجه والكفان)
أن لا يكون زينة في نفسه
أن يكون صفيقا لا يشف
أن يكون فضفاضا غير ضيق
أن لا يكون مبخرا مطيبا
أن لا يشبه لباس الرجل
أن لا يشبه لباس الكافرات
أن لا يكون لباس شهرة
ادلة وجوب الحجاب
قوله تعالى: وَقُل للمُؤمِنَاتِ يَغضُضنَ مِن أَبصَارِهِن وَيَحفَظنَ فُرُوجَهُن وَلاَ يُبدِينَ زِينَتَهُن إِلا مَا ظَهَرَ مِنهَا وَليَضرِبنَ بِخُمُرِهِن عَلَى جُيُوبِهِن وَلاَ يُبدِينَ زِينَتَهُن إلى قوله: وَلاَ يَضرِبنَ بِأَرجُلِهِن لِيُعلَمَ مَا يُخفِينَ مِن زِينَتِهِن وَتُوبُوا إِلَى اللهِ جَمِيعاً أَيهَا المُؤمِنُونَ لَعَلكُم تُفلِحُونَ (النور:30). قالت عائشة رضي الله عنها: { يرحم الله نساء المهاجرات الأُول؛ لما أنزل الله: وَليَضرِبنَ بِخُمُرِهِن عَلَى جُيُوبِهِن شققن مروطهن فاختمرن بها }( رواه البخاري).

قوله تعالى: يأَيهَا النبِي قُل لأزواجِكَ وَبَناَتِكَ وَنِسَاء المُؤمِنِينَ يُدنِينَ عَلَيهِن مِن جَلابِيبِهِن ذلِكَ أَدنَى أَن يُعرَفنَ فَلاَ يُؤذَينَ وَكَانَ اللهُ غَفُوراً رحِيماً )الأحزاب:59

قوله تعالى: وقَرنَ فِي بُيُوتِكُن وَلاَ تَبَرَّجنَ تَبَرجَ الجاَهِلِيةِ الأولَى )الأحزاب:33(.
ودى حاجة بسيطة من السنة

كاسيات بالاسم يقول صلى الله عليه وسلم : ( سيكون في آخر أمتي نساء كاسيات عاريات على رؤوسهن كأسنمة البخت العنوهن فإنهن ملعونات ) زاد في حديث آخر : ( لا يدخلن الجنة ولا يجدن ريحها وإن ريحها لتوجد من مسيرة كذا وكذا ) قال ابن عبد البر : ( أراد صلى الله عليه وسلم النساء اللواتي يلبسن من الثياب الشيء الخفيف الذي يصف ولا يستر فهن عاريات في الحقيقة ) .
وليا كلام مع اخوانا البنين بعدين سلااااااااااااااام

الحب والاسلام

سبحان الله مش فاهم فيه ايه كل ما اجى اكتب الموضوع ده حاجة تعطلنى ولما جيت اكابه حاسس انى مش عاوز اكتبه معلش دماغى متبهدلة اليومين دول بس خلاص توكلت على الله وهكتبه واتمنى يعجبكوا اتفضلوا معايا....
الحب والاسلام:-
1-هو الحب حرام؟
كتير من اخوانا الملتزمين شوية يفتكروا ان الحب ده حاجة حرام وفيه مذلة ومنقصة ومذمة وان اللى يحب ده انسان مخطئ بس بنقلهم لا الحب حلال مية المية والدليل ان ربنا سبحانه وتعالى يحب اقوام ويمقت آخرون ...
فلقد ورد ذكر كلمة الحب فى 84مرة فى آيات القرآن الكريم
(وَمِنَ النَّاسِ مَنْ يَتَّخِذُ مِنْ دُونِ اللَّهِ أَنْدَاداً يُحِبُّونَهُمْ كَحُبِّ اللَّهِ وَالَّذِينَ آمَنُوا أَشَدُّ حُبّاً لِلَّه…) (البقرة/165)قال الله تعالى : (يَا أَيُّهَا الَّذِينَ آمَنُوا مَنْ يَرْتَدَّ مِنْكُمْ عَنْ دِينِهِ فَسَوْفَ يَأْتِي اللَّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِين)(المائدة/54 )
وغيرها الكثير والكثير من الآيات ودلائل اخرى من السنة النبوية العطرة
فعن أبي سعيد الخدري رضي الله عليه قال: قال رسول الله صلى الله عليه وسلم: "إن المتحابين في الله تعالى لترى غرفهم في الجنة كالكوكب الطالع الشرقي أو الغربي. فيقال من هؤلاء؟ فيقال: هؤلاء المتحابون في الله عز وجل".
قال صلى الله عليه وسلم : (( ما من رجلين تحابا في الله بظهر الغيب؛ إلا كان أحبهما إلى الله أشدهما حباً لصاحبه )) السلسلة الصحيح ورجاله ثقات
قال صلى الله عليه وسلم : (( ما تحاب رجلان في الله إلا كان أحبهما إلى الله عز وجل أشدهما حبا لصاحبه )) السلسلة الصحيحة بسندٍ صحيح
قال صلى الله عليه وسلم : (( إذا أحب أحدكم أخاه في الله فليبين له ، فإنه خير في الألفة ، و أبقى في المودة )) السلسلة الصحيحة بسندٍ حسن
قال صلى الله عليه وسلم : (( أحب عباد الله إلى الله أحسنهم خلقا )) السلسلة الصحيحة بسندٍ جيد
قال صلى الله عليه وسلم : (( ما أحب عبد عبدا لله إلا أكرمه الله عز وجل )) السلسلة الصحيحة بسندٍ جيد
قال صلى الله عليه وسلم : (( من سره أن يحب الله و رسوله فليقرأ في " المصحف" )) السلسلة الصحيحة بسندٍ حسن
اذا فالاسلا م لايطارد المحبين ولا يطارد بواعث الحب والغرام ولا يجفف منابع الود والاشتياق ولكن يهذب الشئ المباح حتى لايفلت الزمام ويقع المرء فى الهلاك والحرام
ومن الخطأ اختزال مفهوم الحب فى العلاقة بين الجنسين فالحب اسمى واطهر من اختزاله فى هذا المعنى فقط فالحب فى الاسلام مفهوم متعدد الابعاد والاسلام يقوم بمعناه العام على الحب حب الله وحب رسوله وحب القرآن والملائكة والأنبياء والحب فى الله من اعمدة الايمان الراسخة
على المسلم أن يضع في اعتباره بداية قول الرسول(صلّى الله عليه وسلّم) "الأرواح جنود مجنّدة، ما تعارَف منها ائتَلفَ وما تناكر منها اختلف". إذاً فمشاعر الارتياح والميل نحو شخص ما أو حتى النفور منه هي مشاعر تلقائية لا تعرف عند نشوئها التخطيط المسبق إلاّ أنّها لابدّ وأن تسير ضمن نسق وإطار محدّد رسمته الشريعة كي لا تكون مشاعر الحب للآخرين معول هدم وتدمير لحياة الفرد.

والحب قد يُولَد سريعا من نظرة عابرة، بل قد يولد بسماع الأذن دون مشاهدة، وهنا قد يزول وقد يبقَى ويشتد إن تَكرَّر أو طال السبب المولِّد له من رؤية للشخص المحبوب أو الحديث معه أو تذكّره والتفكير فيه، فبمعرفة السبب الموّلد له نكون قد وضعنا أيدينا على حكم الحبّ، فإذا كان من ذلك الذي قد يصيب الإنسان من النظرة الأولى وبالمصادفة فيكون ضمن الحبّ الاضطراري والذي لم تتدخّل النيّة البشرية في حدوثه أو تغذيته وهذا بفتاوى العديد من الأئمّة يدخل ضمن المصادفة ولا يحكم عليه بحلّ ولا حرمة. أمّا النوع الثاني وهو ذلك الذي يغذّيه مسبّبّه من رؤية وحديث مع المحبوب على هيئة لقاءات ونزهات وأحاديث هاتفية وخلوة أو رسائل وتبادل صور ومتعلّقات فذلك من النوع المحرّم قطعاً والذي قد يقود الإنسان نحو الهاوية إذا لم يتراجع ويحكّم شرع الله في كبح جماح عاطفته. فالحبّ الذي لا يتعدّى حدود الإعجاب والذي لم يصاحبه محرّمات فصاحبه يدخل ضمن نطاق المعذور. لكن إذا ما بدأت المحرّمات تتولّد بسببه فحكمه بدون جدال عند الفقهاء هو "الحرمة".
اذا فشروط الحب فى الاسلام :
أن يكونخالياً من المخالفات الشرعية قال رسول الله صلى الله عليه وسلم : لأنيطعن في رأس أحدكم بمخيط من حديد خير له من أن يمس امرأة لا تحل له.

ألا يلهي هذا الحب عن ذكر الله وعن الحب الأكبر وهو لله ورسوله صلى الله عليه وسلم.

عليه كتمان حبه ولا يتعرض للمحبوبة بالذكر.

من الأفضل أن يكون المحب ممن يستطيع كبح جوارحه ونفسه ، فيقول العلامة ابن القيم: إنما الكلام في العشق العفيف ، من الرجل الظريف ، الذي يأبى له دينه وعفته ومروءته أن يفسد ما بينه وبين الله عز وجل.

عدم استخدام طرق شركية للوصول إلى المحبوبة مثل السحر
فليتق كل منا الله سبحانه وتعالى فى نفسه واهله ودينه مش بقول ما نحبش لا حبوا بس بالشروط اللى ذكرناها وبالشروط دى الحب هيكون اسمى واصدق واطهر وان كان صادق فليتقدم كل محب لخطبة حبيبته فالبحبيب المصطفى يقول " لم يُر للمتحابين مثل النكاح " فجعل النهاية المأمولة لكلا الطرفين بالزواج
فان كنت فعلا تحب هذه الفتاة اخى فاحرص عليها وعلى اسمها وكرامتها وافعل ما ترضاه ان يفعل مع اهلك واخوتك وانتى اختى احرصى على اهلك وعلى ثقتهم التى وضعوها فيكى فانها امانة لا تخونيها لا تخونيه
وهقلكم هنا حديثين للنبى عليه الصلاة والسلام ومش هعقب عليهم لانهم مفسرين نفسهم قيس على نفسك وقيسى على نفسك وشوف وشوفى انت او انتى فين
عن أبي هريرة – رضي الله عنه- عن النبي – صلى الله عليه وسلم- قال:"كتب على ابن آدم نصيبه من الزنا مدرك ذلك لا محالة، العينان زناهما النظر، والأذنان زناهما الاستماع، واللسان زناه الكلام، واليد زناها البطش، والرجل زناها الخُطا، والقلب يهوى ويتمنى ويصدق ذلك الفرج و يكذبه" متفق عليه البخاري(6612،6243)، ومسلم(2657)، وهذا لفظ مسلمعن أبي عبدالله النعمان بن بشير رضي الله عنهما قال : سمعت رسول الله صلى الله عليه وسلم يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم
اتمنى الموضوع يكون عجبكم ومستنى ردودكم