الجمعة، 11 ديسمبر 2009

فرص

بسم الله
موضوع شغلنى من رمضان اللى فات وهو الفرص اللى بتيجى للواحد وبيضيعها ويرجع يندم تانى عليها،
بس مش هتكلم عموما انا هخصص شوية يعنى فى الاسلام وعلاقة العبد بربه...
هو ليه الفرد فينا ربنا بيديله اكتر من فرصة يقرب وهو مصمم يبعد؟
ليه الفرد فينا ربنا بييسرله انه يعوض اللى فاته او أخطأ فيه وهو مصمم يضيع قديم وجديد؟
هو ليه ربنا عمال يتودد لينا واحنا بنتباعد عنه؟
هو ليه ربنا خيره الينا نازل وشرنا اليه صاعد؟
بقول يمكن علشان الفرص كتير احنا بنضيعها علشان رحمة ربنا وسعت كل شئ فاحنا بنطمع؟
بس مين اللى هيطمع اللى مضيعها خالص ولا اللى ناقصه خطوة واتنين؟
بصوا معايا كده للفرص دى ومش عاوز اضمن ايات واحاديث كتير احنا بندردش
لما يكون عندك خمس فروض كل يوم صلاة مكتوبة ب17ركعة والمشرع سبحانه وتعالى يديك فى سنة نبيه17زيهم علشان الخطأ
والنسيان فلما تقصر فى الفرض يقتطعلك من السنة وتكمل اجر لفرض اللى هتتحاسب عليه رحمة بيك نغتنمها ولا نضيع فرض وسنة؟
لما يكون عندك زكاة مكتوبة وفرض عليك ويديك نافلتها صدقة نغتنمها ولا نضيع الاتنين؟
لما يكون عندك حج وعمرة ولو مش قادر صلى الفجر وفضل فى الجمع اذكر الله وقبل طلوع الشمس تصلى ركعتين يكتبولك حج وعمرة تامتين نغتنمها ولا نضيع؟
لما يكون عندك شهر رمضان واداك نوافل اتنين وخميس والايام القمرية لما تقصر فى دا دا بيعوض نضيع ولا نستثمر؟
لما يقلك من صام رمضان ايمانا واحتسابا غفر له ما تقدم من ذنبه دى فرصة تتضيع هتصوم شهر مؤمن بفرضيته ومحتسب ثوابه عند ربنا هيغفرلك ما تقدم من ذنبك
ولا علشان لاقيت من قام رمضان ايمانا واحتسابا غفر له ما تقدم من ذنبه فقلت نقوم بس وبلاش نصوم صح فقالك من قام ليلة لقدر ايمانا واحتسابا غفر له ما تقدم من ذنبه فاستثقلت كل القيام وقلت ليلة هتقضى ؟
ليه ما نستغلش الفرص دى مين قال انك هتلحق نافلة ولا تلحق رمضان الجاى ولا صوم عرفة الجاى ولا هتدرك ليلة القدر
شوف ربنا بيتقربلنا ازاى
عن ابى هريرة رضى الله عنه عن النبى صلى الله عليه وسلم قال"إن الله تعالى قال:من عادى لى وليا فقد آذنته بالحرب وما تقرب الى عبدى بشئ احب الى مما افترضته عليه ولا يزال عبدى يتقرب الى بالنوافل حتى احبه فاذا احببته كنت سمعه الذى يسمع به وبصره الذى يبصر به ويده التى يبطش بها ورجله التى يمشى بها ولئن سألنى لاعطينه ولئن استعاذنى لاعيذنه"
عن انس بن مالك رضى الله عنه عن رسول الله صلى الله عليه وسلم عن رب العزة قال"اذا تقرب العبد الى شبرا تقربت اليه ذراعا،واذا تقرب الى ذراعا تقربت منه باعا،واذا اتانى يمشى اتيته هرولة"
دى مكانة من احب واقترب واراد القرب من الله مش هجيب ايات ولا احاديث تانى بس تعالو نقيس نفسنا احنا بنقرب ولا بنبعد بنستغل الفرص ولا لأ؟ وليه؟علشان ربنا برحمته ادانا فرص كتير واحنا مش بنحب غير الفرصة الواحدة؟ ولا احنا رافضين القرب؟؟؟!

الاثنين، 9 نوفمبر 2009

تاج المحبة

تاج وجاى من ام المدونين الفراغ وسمته تاج المحبة عشان تتعرف باولادها وكان لازم ارد اتفضلو معايا
انت مين بقى؟
انا اسمى احمد عبدالوهاب فؤاد ومشهور باحمد عفشة وعفشة دى لان عندنا ورشة عفشة عربيات ميكانيكا مش تنجيد ههههههه
عندك كام سنه؟
ماشى فى 21 بس انا اكبر من كدا ههههههههه
هل انت متزوج ؟ وهل عندك اولاد؟
لسه ما اتجوزتش وطبيعى ما فيش اولاد بس ان شاء الله هجيب بركات وملك هههههه
دراستك ايه؟
انا فى بكالوريوس حاسبات ومعلومات جامعة الزقازيق
كم طولك...وما لونك...
حوالى 180 وقمحى
هل تمارس عملا بشهادتك ام عمل حر وماهو
بشهادتى لسه انما بشتغل فى المستلزمات الطبية واوقات تجارة سيارات واى حاجة افهم فيها واكسب منها
ماهى مدة عملك اليوميه
مش نفس العدد كل يوم ايام ما بعملش حاجة وايام ارجع البيت عالفجر وايام ببقا فى البيت بس ورايا شغل كتير
ماذا تفعل بوقت فراغك
بعرف اللى فاتنى وانا مشغول واتكلم مع حبايبى واهلى
هل لديك هوايات....وهل تمارسها
متهيألى كنشاطات لأ بس بحب اقول خطب واتثقف دينيا اوقات بناقش صحابى واكلمهم انما قدام جمع بستحى وما عملتهاش كتير
هل تشعر برضا ربنا عنك ؟
سؤال صعب قوى ربنا رؤوف ورحيم وبيتودد للعبيد علشان يتوبو ويستغفروا وانا بحاول ابقا كده ونفسى انال رضا ربنا هو يمكن فيه علامات للرضا الحمد لله
هل تحب؟...ومن بقلبك الان؟
نعم احب وبقلبى من احب ههههههه
لو لم تجد من تحب ....فماذا ستفعل؟
الحمد لله وجدته
عندما تكون فى موقف اتخاذ القرار..تخالف الجماعه.. ام تشرك معك الاخرين ؟
مش بخالف الجماعة بس دايما بشوف الصح واعمله سواء فيه معارضة او لأ وبشركهم فى الامر اشوف اللى مش شايفه وبعدين اكرر
هل تتعامل بواقعيه؟
بحب امشى بخطوات محسوبة
ماهو الشيء الذى فعلته وندمت عليه طول عمرك ؟
مش فيه حاجة اندم عليها طول عمرى كده بس تقصير مثلا فى علاقتى مع ربنا او اهنت حد ظلمت حد دا كله بيسببلى ندم ومش بغفر لنفسى بسرعة بفضل الومها كتير مش بحتاج حد يقلى انت غلط
هل تصارح غيرك بالحقيقه ؟ ام ام تقول له مايريد سماعه؟
طبقا للموضوع نفسه مش بحب احرج حد بس لو حاجة هيترتب عليها قرار او مصلحة لازم الصراحة انما مجاملات اجامل
صف انسان يمكن ان تحبه عمرك كله
كده هوصف اللى بحبه ههههههه
متى يقسوقلبك ؟ومتى يقسو لسانك؟
يقسو قلبى اذا شعر بالجفاء والاستهتار بمشاعره او جرح ويقسو لسانى اذا عوملت بغير الادب او خوطبت بغير الائق
من هو اول من قلت له احبك؟
لمن احب
هل يمكن ان تحب احد من المدونين؟
ما عدش ينفع خلاص ارتبطت هههههههه
وهل يمكن ان يكون شريك حياتك؟
قلنا ما عدش ينفع بقا الله ههه
ماذا تعنى لك المرأة او الرجل؟
المرأة هى امى واختى وابنتى وحبيبتى ريحانة الانف وملاذ القلب والحنان
فى زمن البحث عن الماده ..عن ماذا تبحث انت ؟
ابحث عن السعادة وما يقتضى ان يديمها
متى تعرف انك تحب ؟
حين لا استطيع العيش بدون من احب واتلهف لرؤيته واتغير لبعده
ماهى الشخصيه التى اثرت بحياتك ؟
جدى رحمه الله
هل يوجد من تراه سعيدا فى الدنيا ولماذا ؟
كل من رضى بحاله ولم ينظر لغيره فهو سعيد
سياره وسائق ووقت متاح ....تذهب الى اين ؟ ولمن ؟ بالترتيب ام تفضل ان تكون وحيدا
لمن احب ثم ابى وامى ثم المقابر لزيارة جدى
ماهى درجة صراحتك ؟
صريح ولكن لا احب ان اجرح احد
وماهى المواقف التى يمكن ان تكذب فيها ؟
ما احله الشرع فى الصلح بين متخاصمين ولكنى اعتبر الكذب خيانة
هل يتغير الحب بعد الزواج؟
على ما اعتقد يجب ان يزداد فكل المسافات قد قصرت والحواجز انهدمت
فيما تفكر الان ؟
هعمل ايه فى الميعاد اللى ورايا هههههههه
لو لم تعيش بمدينتك؟؟؟فاى مدينه اخرى تفضلها
مش عايش فى مدينة اصلاهههه بس حابب البقاء مع اهلى وبعد ذلك حيثما وجد عملى
من اول من ياتى ببالك لتحكى له اسرارك؟
من احب
من تريد ان يكون دائما بجوارك ؟
من احب
من هو الد اعدائك؟
الظلم حيثما كان
ومن هو صديقك
ناصر المظلوم حيثما وجد
ماهى صفات شريك العمر؟
هوصف اللى بحبه برده هههه
لو الدنيا كلها زيك....لمن تقول هذه العباره ؟
جدى رحمه الله
ماذا تكره فى الدنيا ؟
الفراق
وماذا تحب
الاجتماع
كيف تواجه مايضايقك
بالامل وحلول سريعة
وماذا تفعل عند المفاجآت
ما اضمنش نفسى فى المفاجآت بس غالبا ما بحبهاش غير السعيد منها
لو معاك فلوس اكثر مما تتخيل...فماذا ستفعل بها
حاجات كتير اكتر مما تتخيلى امى ههههههه
هل الفقر يصنع حبا؟؟
مش فاهم السؤال قوى بس كل حاجة بالحب تتم
وماذا لو وجد الحب فى زمن الفقر المادى؟
هذا يعتمد على المحبين انفسهم
ماهى اقسى صدمه تعرضت لها حتى وقتنا هذاوماذا كان رد فعلك وهل تعلمت منها شيء
وفاة جدى رحمه الله ورد فعلى بتضايق لما افتكره بس ما كانش ينفع ان واحد قارى وفاهم يفعل فعل الجهلاء كما فعلت انا واكيد تعلمت وتذكرت انما الصبر عند الجزع الاول
هل انت على استعداد لتلقى صدمات اخرى؟؟
لا خايف من دا قوى اتكسرت شوية من اللى فاتت
هل تصدق كل ماتقرا عن الاخرين كيف ترد على من لاتصدقه
بالتأكيد لا فمعظم المتداول الان اكاذيب اما ان اجادل عغلى علم او اتحقق واجادله
اذا احببت انسان ما ...هل تصرح له بحبك ؟وماذا تفعل لو لم يتجاوب معك؟
ما خلاص بقا حبينا وعدينا الحتة دى ههههههه
هل تؤمن بالمثل القائل:انا احب فانا اعيش
الحياة فعلا بتتغير بالحب وبتتغير قوى كمان
ماهى القضايا التى تشغل بالك؟
حال اللى حواليا
هل تستطيع تحقيق كل احلامك
والله دى حاجة بتاعت ربنا بس اللى عليا هسعى واحاول
هل تمتلك طموحا...وماهو؟
اكيد انى ابقا احسن واحسن
كيف ستحقق طموحك...ام سيبقى حلما فقط!!!!!!!!!!
بخطوات ثابته وجد واجتهاد وتوفيق ربنا فوق كل حاجة
ماهى علاقتك بالدنيا ماهى علاقتك بالموت
علاقتى بالدنيا حياة وعايشها واستعدا للموت والموت هو اللقاء المنتظر
لو لك اختيار زمن تعيش به....فماهوذلك الزمن ؟ ولماذا ؟
الزمن دا يمكن نقدر نعمل حاجة تعدل اللى احنا فيه
هل يمكن ان ارا ك وانت غائب؟؟؟؟؟؟؟
ممكن لو تلاقت الارواح والافهام
ماذا ترى فى نفسك مميزا عن الاخرين؟
كل واحد فيه حاجة مميزة بس اللى يدور عليها ويبرزها بس ما بحبش اتنكلم عن مميزاتى الكتيييير ههههههه
من اذا اقترب منك ...هربت منه بعيدا؟
من اذا اقتربت منه جرحنى او آلمنى او ذكرنى بالم
من تقول له : قرب منى قرب ...ياقلبى يا متغرب
اختى لما تسافر
ماذا تريد ان تقوم به قبل ان تموت
اتوب بجد
مارايك فى اسئلتى؟؟؟
جميلة جدا يا امى بس غسلتينى ههههههههه
وبدون مجامله
هل نسيت سؤال كان هاما بالنسبة لك؟
لا كده تمام
هل استطعت تغطية شخصيتك مع ملاحظة انى ماليش فى الكوره..........هههههههههه
غطيتى وزيادة كمان
من يهمك ان يجاوب على هذه الاسئله؟؟؟؟؟؟؟؟؟؟؟؟؟؟؟؟؟
اى حد بيشرفنى هنا وحابب يجاوب يتفضل

السبت، 31 أكتوبر 2009

محنة

الهى كيف ادعوك وأنا أنا!وكيف اقطع رجائى منك وانت انت سبحانك.الهى ان لم أسالك فتعطينى فمن ذا الذى أساله فيعطينى؛وان لم ادعك فتستجب لى فمن ذا الذى ادعوه فيستجيب لى؛وان لم أتضرع اليك فترحمنى فمن ذا الذى أتضرع اليه فيرحمنى.
الهى وكما فلقت البحر لموسى فنجيته من الغرق؛فصلى وسلم يارب على محمد وعلى آل محمد ونجنى مما انا فيه من كرب بفرج عاجل وغير آجل وبرحمتك يا ارحم الراحمين.

الجمعة، 18 سبتمبر 2009

الداعى من فوق...

السلام عليكم
وحشتونى كتييييييير بس ظروف وعدت الحمدلله كل سنة وانتو بالف صحة وخير وسلامة
كلام كتير عاوز اتكلم فيه اقلكو كل سنة وانتو طيبيبن رمضان جه وخلص والعيد جه وايام الخير مضت مسرعة وجاي ايام خير
ياريت نلحقها
المفروض كنت تكلمت من بدرى عن ليلة القدر بس اقول ايه يا جماعة ربنا هيوفق لليلة القدر من قدر له ذلك واجتهد فى سبيلها
عيبنا ان الفرص لما بنلاقيها كتير مش بنقول نغتنمها ونستزيد من فضل الله لا بنكسل ونقول خلاص الحق الفرصة اللى بعدها حتى فى احرج الاوقات
يعنى جه رمضان بدل ما استعد من شهر رجب ولا شعبان دا انا اخد اول عشر ايام استعداد وبعدين اكسل وبعدين اقول هلحق العشر الاواخر
وبعدين اكسل هبدأ من اول خمسة وعشرين واكسل واجى ليلة سبعة وعشرين واقوم
مين قالك بقا انها الليلة ؟لو الليلة مين قالك انك مخلص ودعائك مقبول؟ يلا ربنا يتقبلنا جميعا
هتكلم عن موضوع التكاسل والفرص الضائعة دى المرة لجاية اصله غايظنى شوية بس انهاردة معايا حديث جميل قوى قوى
أخرج أحمد والترمذى عن النواس بن سمعان عن رسول الله صلى الله عليه وسلم قال:"ضرب الله مثلا صراطا مستقيما,وعلى جنبتى الصراط سوران,فيهما أبواب مفتحة,وعلى الابواب ستور مرخاة,وعلى باب الصراط داع يقول:يا أيها الناس ادخلوا الصراط جميعا ولا تعوجوا. وداع يدعو من فوق الصراط ,فإذا أراد الإنسان اأن يفتح شيئا من تلك الأبواب قال:ويحك لا تفتحه,فإنك إن تفتحه تلجه.فالصراط:الإسلام ,والسوران:حدود الله,والأبواب المفتحة:محارم الله,وذلك الداعى على رأس الصراط:كتاب الله,والداعى من فوق:واعظ لله تعالى فى قلب كل مسلم".
صدق رسوال الله صلى الله عليه وسلم الذى أوتى جوامع الكلم صلوات ربى وتسلمياته عليه
حديث رائع مش لاقى كلام اقوله عليه ولا افسره الحديث سهل وبسيط جدا بس انا هسأل شوية أسئلة
الصرط قدامنا وهو الاسلام مشينا فيه والتزمنا بيه؟
والداعى معنا هل قرناه او تدبرناه ؟ هل استمعنا اليه بخشوع لنعلم ماذا يريد منا؟
والداعى من فوق يملؤنا هل اهتممنا به يوما؟هل التفتنا اليه؟
ام دوما نضع اصابعنا فى آذاننا لا نسمع الا ما نريد وما تزينه لنا نفوسنا ودنيانا وهذا الشيطان الاعمى بداخلنا
كم مرة نادى عليك الداعى وابيت وعاندت وقلت الا المعصية انظر وارى ما خلف الستار؟
كم مرة تحديت ربك بالمعصية واتخذت سبيل المحارم وتركت من يدعوك الى الخير؟
متهيألى ان احنا فى ايام عظيمة وكلها خير وبركة ما ينفعش نخرج منها زى ما دخلناها ما ينفعش نفضل ما بنسمعش وما نحاولش نسمع خلوا الخير اللى جونا يخرج خلونا نسمع داعى الخير ووالصراط المستقيم
"اهدنا الصراط المستقيم","والذين اهتدو زادهم هدى"
اللهم اهدنا الصراط المسقيم وزدنا هداية يارب العالمين
فيه كلام كتير لسه بس مش هطول معظمنا عارف ايه المفروض يحصل وعارف ان باب التوبة مفتوح لمن ارادها بصدق يلا نروح لربنا يلا ندور على الصراط المستقيم يلا كلنا نسمع داعى الله ونترك داعى الشيطان يلا كلنا نبقا جنود للخير
اللهم ربنا لك الحمد بما خلقتنا ورزقتنا وهديتنا وانقذتنا وفرجت عنا ولك الحمد بالقرآن ولك الحمد بكل نعمة انعمت بها علينا فى قديم او حديث لك الحمد حتى ترضى ولك الحمد اذا رضيت ولك الحمد بعد الرضى,اللهم صل على نبينا محمد أزكى صلاة وأكملها,اللهم انا نستغفرك انك كنت غفارا,اللهم وكم سترت علينا ذنوبنا فى الدنيا فاغفرها لنا وسترها علينا فى الاخرة ,اللهم عاملنا بعفوك ولطفك ومغفرتك ورحمتك ,اللهم قنا شر انفسنا وشر الشيطان وشركه,اللهم إنا نعترف لك بذنوبنا فلسنا قويء فننتصر ولا برئاء فنعتذر ولكنا مقرون بما كان منا فاغفر لنا ياربنا ولا تردنا خائبين ولا محرومين يا ارحم الراحمين يا رب العالمين,ربنا اغفر لنا ولإخواننا الذين سبقونا بالايمان ولا تجعل فى قلوبنا غلا للذين آمنوا,اللهم انا نعوذ برضاك من سخطك وبمعافاتك من عقوبتك ونعوذ بك منك لانحصى ثناء عليك انت كما اثنيت على نفسك,وصلى اللهم على سيدنا محمد وعلى آله وصحبه وسلم تسليما كثيرا
كل عام انتم بخير ودمتم فى رعاية الله وحفظه وعنايته
تحياتى

الأربعاء، 5 أغسطس 2009

حاجات تانية خالص

السلام عليكم
ايه الموضوع دا ما فيش موضوع راضى يكمل خالص هفضل اقول حاجات كده وخلاص اللى عنده فكرة يبعتها وله الاجر والثواب
شوية حاجات تانية بقا
الاول زعلان عشان ما بقتش بقعد فى البيت خالص الناس اللى هنا دى وحشتنى وليهم حق فيا برده
عاوز اتكلم مع عبده وحشنى قوى وما اتكلمتش معاه من زمان وحاسس انه مخنوق او متضايق اليومين دول وهعرف ليه دا حبيبى وما بيخبيش عنى حاجة اللى عرفته انه دفع عالصبح الف وربعماية جنيه انهاردة وهو ما بيحبش يطلع فلوس عالصبح كدا ههههههه
بس محضر تبع مكتب العمل باين ولازم يدفع يلا يا بودى ربنا يرزقك بزبون يعوضهملك ههههه ابويا دا عثل والله عثل
وطبعا مقصر فى حق ام فتحى جداااااااااااااا نزلت يوم الاحد اوديها لدكتور قلتلها ازل دمياط اخلص شغل وراجع رجعتلها واحدة ونص بليل بس ان شاء الله رايحين انهاردة(ام فتحى دى امى بس انا بحب اندها كده )
فتحى بقا اخويا الكبير مش عارف اعمله ايه اخفف عنه الضغط النفسى اللى هو فيه بسببها منها لله بس انا بدعى ربنا يخلصك منها على خيرومن غير ما نظلم حد
ونسمة ماسمعتلهاش من زمان مع انى كنت بسمعها كتير واتكلم معاها ومشاكلها وعلاقتها بخطيبها بس كانت عملت حركة ندالة فمطنشها من يومها والبت(بتزعل قوى من كلمة بت دى) عمالة تحايل فيا بس انا سايق فيها الصراحة خطيبها حبيبى وطنشته على حسها يلا بكرة اصالحهم
والبت هالة بقالها كتير ما اتضربتش يلا اتلككلها انهاردة هههههههه
ثانيا فى الفترة اللى فاتت عدى عليا يومين من اروع واجمل ايام حياتى بجد من الايام اللى مش ببتنسى
اولهم يوم الاربع 29/7 وكان يوم جامد جدا واتبسط فيه قوى
التانى بقا كان يوم السبت1/8 ودا تقريبا اليوم المسجل رقم واحد فى حياتى وعاوز اغير عيد ميلادى واخليه فى اليوم دا احساس ما حستوش قبل كدا سعادة ما تتوصفش فرحة وحب وحنان وامان واحتياج وضعف وقوة واهتمام كل حاجة حلوة حسيت بيها ربنا يخليه ليا
كان فيه سؤال سألته ام المدونين الفراغ بتقول ايه اصدق عشر حاجات فى حياتك دا ان شاء الله هجاوب عليه البوست الجاى
يلا بقا كفاية كدا عاوز الحق اقعد معاهم قبل ما اقوم اسافر
تحياتى

الاثنين، 20 يوليو 2009

حاجات وخلاص

السلام عليكم
جاى ومش عارف هكتب ايه بس كنت عاوز اكتب اى حاجة
الفترة اللى فاتت عدت عليا حاجات كتير من اول الامتحانات كدا وانت جاى بقا حاجات حزينة شوية مؤلمة يمكن
وحاجات تقلق وحاجات تفرح وحاجات تطير من الفرحة
الاول عدى يوم 2/6ودى الذكرى الاولى لوفاة جدى ومش هدخل فى الموضوع دا كتير بيتعبنى شوية بس كفاية اقول انه كان احب اهلى واقربهم الى قلبى وانا اكثرهم شبها به فى شكله وطباعه وهو مثلى الاعلى فى الحياة عليه رحمة الله
التانى من بعد اول مادة فى الامتحانات دخلت امى المستشفى وفضلت هناك طيلة فترة الامتحانات والحمدلله خرجت وبنكمل رحلة العلاج بقا
التالت فى نفس الفترة تعب اعز حد على قلبى فكمن بين لهيبين والحمدلله بفضل الله تعافى هو الاخر وكان تانى يوم بعد الامتحانات من اصعب ايام حياتى واشدها الما بس الحمدلله
كفاية كده زعل وندخل على حاجة تفرح
الحمدلله النتيجة ظهرت ونجحت ججـ وزمايلى ربنا وفقهم الف مبروك ليا وليهم وربنا يوفقنا جميعا الى ما يحب ويرضى
واحلى يوم من ايام العمر واللى طرت فيه من السعادة كانت تانى يوم بعد النتيجة بجد يوم ما يتنسيش ورينا يخليه ليا
وحاجات تانية كتير بس كدا كفاية كنت عاوز اطمن عليكو وحشتونى
جمعنا الله دائما على الحب فيه والطاعة
تحياتى

السبت، 23 مايو 2009

العدل...والعادل

بسم الله وصلاة وسلاما على رسول الله محمد بن عبدالله وعلى آله وصحبه ومن اتبع هداه وسار على نهجه الى يوم الدين
دائما ما اردت ان اكتب فى موضوعات شائكة مما تثير العقل وتعمل الاذهان وفيها من الكلام الكثير والكثير ولكنى خشيت ان اكتب فيها لانى حقا افقد حس الكتابة ولكنى بفضل الله امتلك حس الخطابة المشكلة عندى فى كتابة ما اقوله حتى اقترح عليا اخوانى ان يكتبوا لى وانا اخطب فيهم لانهم تعجبوا من اسلوب كتابتى واسلوب خطابتى
ولكنى اليوم سأحاول جاهدا ان اصحح اسلوب الكتابة فارجو ان يصلكم ما اردت ان اقول
اتحدث اليوم فى العدل الربانى
اقول ان العدل كل العدل ما وضعه الله سبحانه وتعالى من شرائع وحدود وتقسيم حقوق واذا كان هناك قصور فهيا من المشرَعُ له وليس المشرِع
أبدأمعكم بجانب الدين فى موضوع العقل وانتقل بكم الى جانب اجتماعى ولن اطيل فى الايات والاحاديث ولكن اكلمكم منطقا
قال تعالى:
(إِنَّ اللَّهَ يَأْمُرُ بِالْعَدْلِ وَالإِحْسَانِ وَإِيتَاء ذِي الْقُرْبَى وَيَنْهَى عَنِ الْفَحْشَاء وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُونَ)
"وما الله يريد ظلماً للعباد"
(إنّ‏ الله لا يظلم الناس شيئاً ولكن الناس أنفسهم يظلمون)
"إن الله لا يظلم مثقال ذرّة"
(ونضع الموازين القسط ليوم القيامة فلا تظلم نفس شيئاً)
وعليه فان الآيات التى تدعو الى العدل كثيرة وكثيرة ولكن ما هو العدل؟
العدل باختصارهو وضع الأمور في مواضعها، وإعطاء كل ذي حق حقه، فعلى سبيل المثال إكرام المحسن ومعاقبة المسيء هما مظهران من مظاهر العدل لأن المحسن من حقه أن يثاب على إحسانه والمسيء يستحق أن يعاقب على إساءته، ولو تبدلت القضية أو التزم بجزء منها وترك الآخر لكان ذلك خلاف العدل، وهو الظلم.
ولكن هناك فرق شاسع بين المساواة والعدل ففى بعض الاحيان تكون المساواة بمعنى العدل وفى البعض الاخر تكون المساواة نقيضة العدل فاذا كانت وضعا للامور فى موضعها فهيا عدل واما اذا ساويت فى العطاء بين من اختلفو فى الجهد فقد ظلمت الاكثر اجتهادا
هل من الممكن ان يظلم الله سبحانه وتعالى عن ذلك علوا كثيرا؟
للرد على ذلك نسأل لم يلجأ عاقل الى الظلم مع ان العقل البشري يدرك أن الظلم قبيح ذاتاً، أي في نفسه وبغض النظر عن نهي المولى عنه، وأن العدل حسن في نفسه وبغض النظر عن الأمر به، ويدرك العقل أيضاً أن العدل مما ينبغي أن يعمل بينما القبيح كالظلم ينبغي ألا يعمل
ونقول لا يلجأ عاقل إلى الظلم إلا لحاجة تدعوه إلى ذلك، وسبب يجبره عليه، ولو كان غنياً عنه ولا يجبره أحد على أي من أفعاله لما صدر عنه سوى العدل الحسن.
وارى من اسباب الظلم1- الجهل بمعاني الظلم والعدل.
2 - الحاجة إلى ما لدى غيره وليس لديه .
3 - الضعف عن تنفيذ ما يريد من خلال العدل.
وقد تنزه سحانه وتعالى عن اى صفة او سبب تدعو الى الظلم فهو سبحانه وتعالى عين العلم فلا يوصف بالجهل بحال من الأحوال، وهو عين الغنى فلا يوصف بالفقر والحاجة بحال من الأحوال وهو عين القوة فلا يجوز عليه الضعف إطلاقاً. فإذا انتفى وجود سبب الظلم انتفاءً كلياً في ذات الخالق انتفى إمكان أن يصدر عنه ظلم
إلى ذلك يشير الإمام السجاد (ع) في مناجاته مع الله تعالى حيث يقول: "وقد علمت أنه ليس في حكمك ظلم، ولا في نقمتك عجلة، وإنّما يعجل من يخاف الفوت، وإنما يحتاج الى الظلم الضعيف، وقد تعاليت يا إلهي عن ذلك علوّاً كبيراً".
لذا فقد انتفى عن الله سبحانه وتعالى اى دافع يدفع الى ظلم .ولكن يسأل السائل لم هناك غنى وفقير صحيح ومريض مسلم وكافر؟
اقول وهذا تفسيرى الشخصى وارجو ان يوفقنى الله فى نقل ما أفهمه ودعونا نفكر سويا
من تمام العدل ان يكون هناك غنى وفقر صحة ومرض لكى يحدث التكامل بين الناس وتكمل العبادات ويجتهد الطائعون ويتوانى العاصون فيتم الحساب فى الآخرة ويطبق العدل فى الاخرة كما أمر ان يطبق فى الدنيا
واقول هل جعل الله الأغنياء أغنياء وفقط ام قال لهم لن المال مال الله وان للفقراء حق فيه{ والذين في أموالهم حق معلوم للسائل والمحروم }وليس لهم من المال الا على قدر جهدهم وفرض عليهم حقوقا معلومة وجعل من الصدقات زيادة فى الاجور وزكاة للانفس وشفاء من الامراض فحثهم دوما على البذل والعطاء وايصال الحقوق الى اهلها
ولما فرض الله الزكاة والصدقة لم يحرم الفقير من عزته ومكانته بل قال انه حق لك ايها الفقير وليس منة من الاغنياء وقال للغنى انك تضعها فى يد الله ليس فى يد العبد
اذا فقد وضع المشرع سبحانه من القوانين ما يكفل به الحياة السعيدة لكل من الغنى والفقير ولكن ما حدث من قصور وتوان من جانب الاغنياء فذلك لا يعيب المشرع سبحاانه ولا الشرع قط وانما العيب فيمن شرع لهم وتوانوا ولا يتطلب ذلك تدخل المشرع ليصلح حالهم هاهنا لانه لو تدخل فى ذلك لتدخل فيما هو اعظم من ذلك بان يجعل الناس كلهم امة واحدة على الاسلام ولكن من تمام العدل ان يترك كل نفس تعمل وان يحاسبها بما عملت ليتم العدل الذى جاروا عليه فى الدنيا بالاحسان لمن احسن والعقاب لمن نسى وأساء فى الآخرة
ونراها ايضا من منظور آخر ان الدنيا لم تجتمع لأحد فمن كان غنيا وجدته يفتقد الى راحة بال الفقير ومن كان غنيا وارتاح باله افتقد الى ولد مثل الفقير ومن اجتمع له الثلاثة افتقد الى الصحة مثل الفقير وان اجتمعوا له افتقد الى البركة فى الولد او فقد الولد فتفاوت الناس هنا وذلك تحقيقا للعدل ايضا
وسأل سأئل بما انها حق للفقير هل يجوز له ان يطلبها ؟ واقول نعم فلقد سأل الاعرابى الرسول صلى الله عليه وسلم وبأسلوب فظ وقال اعطنى فالمال ليس مالك ولا ما أبيك...
وبالنسبة لموضوع الاسلام والكفر فاقول والله المستعان
الحمدلله اولا على ان خلقنا مسلمين واراحنا من عناء الكفر وظلمته ولكن إن الله لا ينظر إلى المؤمن والكافر، والمحسن والمسيء، من حيث الجزاء نظرة سواء قط، بل يجازي كلاً طبقاً لاستحقاقه ووفقاً لعمله، فيثيب المحسن، ويعاقب المسيء. وعلى هذا الأساس لا يعاقب من لم تبلغه تكاليفه عن طريق الأنبياء والرسل، ولم تتم عليه الحجة كما يقول عز وجل: (وَمَا كُنَّا مُعَذِّبِينَ حَتَّى نَبْعَثَ رَسُولاً)
يقول المصطفى صلى الله عليه وسلم : ( كل مولود يولد على الفطرة فأبواه يهوّدانه ، أو ينصرانه ، أو يمجسانه ) .والفطرة تعني الاستعداد لقبول الهدى والخير . وقيل إنها تعني الإسلام ؛ حيث إن الحديث قال : ( فأبواه يهودانه أو ينصرانه أو يمجسانه ) ولم يورد الإسلام معها لأنه على الإسلام أصلا .
فهذا الذى ولد لابوين على غير الاسلام ولد قبلا على الاسلام ولديه الاستعداد لتلقى الخير ولكن قدره ان ولد لابوين على غير الاسلام فوجب عليه النظر والتمعن وكان من عدل الله ان وهبه عقلا يفكر ليهديه به الى الخير وانه خلقه عبى فطرة سليمة والفطرة السليمة ترفض السلوك غير السوى فبفطرته لن يشعر براحة فى اخلاق وسلوكيات تخالف الفطرة فيعمل عقله ومن اجتهد فى طلب الحق نال الحق
واذا اسلم من كان كافرا واهتدى اكاد اجزم انه يكون افضل حالا ممن ولد على الاسلام عشرات المرات وذلك من افضليته على المسلم حين يسلم
فبإسلامه قد محا كل ما سبق من ذنوب ومعاصى وكفر ولهو وعبث وبعد إسلامه يشعر بقيمة هذا الدين وبمتعة النور بعد الظلمة وبمذاق الهدى بعد الضلال فيكون احرص الناس على دينه واشدهم امساكا عليه غير أولئك الذين وصلهم الدين سهلا دون تعب أو عناء فتراهم مفرطين فى أمور دينهم الا من رحم ربى
ومن العدل ان امرنا الله بهدايتهم ودعوتهم الى الاسلام وان يصلهم نبأ الاسلام وخبره واننا لمحاسبون على تقصيرنا فى حق الدعوة وهداية الخلق الى دين خير الانام واول ما نحن محاسبون عليه هو اسائتنا للاسلام بافعال بعيدة كل البعد عن الاسلام
هذا وما كان من توفيق فمن الله وحده وما كان من خطأ أو سهو أو نسيان فمنى ومن الشيطان
ارجو ان اكون قد وفقت فى ان اوصل معلومتى وان اكون استطعت ان ازيل بعض اللبس وما كان من اضافات او اسئلة فسأكون سعيد به كل السعادة
عذرا على الاطالة
تحياتى

السبت، 9 مايو 2009

مقصر انا...غافر انت سبحانك

بسم الله
احترت كثيرا قبل ان اكتب هذا الموضوع بين ان اكتب فى القضاء والقدر ومعناهما وضرورة الايمان بهما وبين ان اكتب فى العدل الاهى ومعنى العدل صفة وفعلا والفرق بين العدل والمساواة
الى ان تاقت نفسى ان اكتب فى هذا الموضوع الا وهو عن التوبة وفقنا الله الى ما يحب ويرضى
عاوز كل واحد فينا يسأل نفسه يا ترى انا علاقتى مع ربنا عاملة ايه سيئة ولا كويسة ولا جيدة ولا ايه هيا ؟
ياترى انا مسلم ولا مؤمن ولا مخلص ولا والعياذبالله من غير ذلك؟
ياترى انا لو مت دلوقت او كمان شوية هبقا مبسوط هيجيلى ملائكة رحمة ولا وغير ذلك والعياذ بالله؟
ياترى انا عملت من الاعمال الصالحة ما يشفع لى عندربى وبعمل نوافل كتير وبتقرب الى الله ؟ولا انا اصلا مقصر فى الفرائض؟
ياترى لو اتحاسبت دلوقت على الصلاة والصيام والزكاة وما فرض عليا هعدى ولا فيهم نقصان؟
طبعا كلنا مقصرين الا من رحم ربى ما فيش حد فينا صلاته مثلا هتطلع كاملة لا يشوبها نقصان دا ان كان بيحافظ عليها هيطلع فيها سهو وخطأ وخلافه ما بالك لو مضيعها واللى بيضيعها دا بيدخل فى نطاق الكااااافر ومش مجال الكلام عنها دلوقت
طيب الصيام بصوم فعلا ولا فيه نظرة كده وغيبة كده ونميمة وبقيت الفروض عامل فيها ايه؟؟؟ طيب هقابل ربنا ازاى
ينفع اموت وانا على الحال دا؟ما تقلش صغير الموت مش بيفرق دى اعمار وآجال محددة ومقدرة
تفتكر فيه حد بعد ما تموت هيعملك عمل خير ويبعتلك ثواب وصدقة جارية وكده ؟آاه صحابك واهلك بيحبوك بس دا مش كفاية كله بيمل وينسى ولو فضلو فاكرين دا مش هيعوضك حاجة دا ممكن يرفع درجات انما ما ينجيش من عذاب
طيب نعمل ايه اتعبت قلوبنا؟يا عم مش بتعب قلبك بس العبادة بين فكين خوف ورجاء ما ينفعش نغلب جانب الرجاء على الخوف ونقول هنلحق نتوب ونسوف وربنا غفور وما ينفعش نعيش فى رعب من الاخرة والعذاب والا مش هنعرف نعيش لازم الاتنين يتوازنو
فانا عاوز نبدأ مع بعض توبة نصوح لربنا سبحانه وتعالى نقله تائبون عائدون لربنا حامدون لعفوه راجون باب التوبة مفتوح للجميع مهما كان من ذنب أو اسراف بس نتوب ونرجع لربنا وننوى الخير
شوفو معايا الحديث دا:عن عبد الرحمن بن أبي عمرة عن أبي هريرة عن النبي صلى الله عليه وسلم فيما يحكي عن ربه عز وجل قال أذنب عبد ذنبا فقال اللهم اغفر لي ذنبي فقال تبارك وتعالى أذنب عبدي ذنبا فعلم أن له ربا يغفر الذنب ويأخذ بالذنب ثم عاد فأذنب فقال أي رب اغفر لي ذنبي فقال تبارك وتعالى عبدي أذنب ذنبا فعلم أن له ربا يغفر الذنب ويأخذ بالذنب ثم عاد فأذنب فقال أي رب اغفر لي ذنبي فقال تبارك وتعالى أذنب عبدي ذنبا فعلم أن له ربا يغفر الذنب ويأخذ بالذنب اعمل ما شئت فقد غفرت لك
ويقول سيدنا وحبيبنا محمد عليه أفضل الصلاة والسلام وأتم التسليم " التائب من الذنب كمن لا ذنب له" رواه ابن ماجه.
صحّ عن النبي صلى الله عليه وسلم أنه قال " إنّ في المغرب باباً خلقه الله للتوبة مسيرة عرضه سبعون عاماً لا يُغلق حتى تطلع الشمس منه " رواه ابن حبان والترمذي.
قال تعالى :{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ}. الزمر/53
قال تعالى : {يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَّصُوحاً عَسَى رَبُّكُمْ أَن يُكَفِّرَ عَنكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِن تَحْتِهَا الْأَنْهَارُ}. التحريم/8
وقال تعالى: { إِنَّ اللّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاءُ}. النساء/116
ويقول تعالى: (وإني لغفار لمن تاب وءامن وعمل صا لحًا ثم اهتدى) (سورة طه/ءاية 82.
فمهما فعلت انا وانت من الذنوب غير الاشراك بالله وتبنا التوبة النصوح لغفر الله لنا برحمته علينا فهيا بنا نتوب الى الله توبة نصوح حقا
نعزم فيها على ترك المعاصى والتقصير فى حق ربنا
نعزم فيها على التقرب الى الله تعالى بالنوافل بعد الفروض حتى نعوض ما فات من تقصيرفعَنْ أَبِي هُرَيْرَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : إِنَّ اللَّهَ قَالَ : مَنْ عَادَى لِي وَلِيًّا فَقَدْ آذَنْتُهُ بِالْحَرْبِ وَمَا تَقَرَّبَ إِلَيَّ عَبْدِي بِشَيْءٍ أَحَبَّ إِلَيَّ مِمَّا افْتَرَضْتُ عَلَيْهِ وَمَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ وَبَصَرَهُ الَّذِي يُبْصِرُ بِهِ وَيَدَهُ الَّتِي يَبْطِشُ بِهَا وَرِجْلَهُ الَّتِي يَمْشِي بِهَا وَإِنْ سَأَلَنِي لأُعْطِيَنَّهُ وَلَئِنْ اسْتَعَاذَنِي لأُعِيذَنَّهُ وَمَا تَرَدَّدْتُ عَنْ شَيْءٍ أَنَا فَاعِلُهُ تَرَدُّدِي عَنْ نَفْسِ الْمُؤْمِنِ يَكْرَهُ الْمَوْتَ وَأَنَا أَكْرَهُ مَسَاءَتَهُ " رواه البخاري 6502
نعزم فيها على الرجوع الى الله سبحانه وتعالى والى سنة نبيه محمد صلى الله عليه وسلم وتلاوة القرآن
نعزم فيها على غض البصر وحفظ النفس وصلة الرحم وفعل الخيرات أن نفعل العدل وان نكون من المحسنين وان ننتهى عن الفحشاء والمنكر والبغى ومدوامة ذكر الله
وفيه مشروع صغير كده لتعويض ما فات
ايه رأيكو كل ما نصلى فرد نروح مصليين مثله تعويضا عما فات وايه رأيكو نحاول القادر مننا يصوم اتنين وخميس وان لم يكن فالتلت ايام بتوع التشريق تعويضا عما فات من صيام
وايه رأيكو المشروع الأعظم نبدأ بحفظ القرآن الكريم ليكون جليسنا فى قبورنا مع عملنا الصالح وشفيعا لنا يوم القيامة وسببا فى علو الدرجات فى الجنة
مش هنتقل ممكن كل اسبوع نحفظ عشر آيات بس انا بدأت المشروع مع ناس زمايلى والحمدلله ماشيين لو فيه حد هيشترك ممكن ننظم سوا ونشجع بعض على الحفظ فكرة الحفظ دى فى ناس شغالة فيها غيرنا وانا استعرتها منهم بس هما سابقين كانت فى المدونة بتاعة عالم جيجي الصغير لو فيه حد هينضم ممكن ننظم موضوع الحفظ سوا ووهبنا الله واياكم سبيل الرشاد والفلاح
يا نفسُ توبي فإنّ الموت قد حانـــــــــا واعصي الهوى فالهوى ما زال فتانا
في كل يومٍ لنا ميت نشيـعـــــــــــــــــه نـنـسى بمــــصرعه أثـــــار موتانـــا
يا نفس مالي وللأموال أكنزها خلفـي وأخرج من دنيــــــاي عريــانـــــــــــا
قد مضى الزمان وولى العمر في لعب يـكـفيك ما كـانـا قد كـان ما كـانـــــــا

اللهم أنت ربنا لا إله إلا أنت خلقتنا ونحن عبيدك.. ونحن على عهدك ووعدك ما استطعنا.. نعوذ بك من شر ما صنعنا.. ونبوء بنعمتك علينا.. ونبوء بذنوبنا.. فاغفر لنا.. فإنه لا يغفر الذنوب إلا أنت.. يا حنان.. يا منان. اللهم لك أسلمنا.. وبك آمنا.. وعليك توكلنا.. وإليك أنبنا.. وبك خاصمنا.. وإليك تحاكمنا.. فاغفر لنا يا ربنا ما قدمنا.. وما أخرنا.. وما أسررنا.. وما أعلنا.. وما أسرفنا.. وما أنت أعلم به منا.. أنت المقدم وأنت المؤخر لا إله إلا أنت. نسألك الجنة وما قرب إليها من قول أو عمل.. ونعوذ بك من النار وما قرب إليها من قول أو عمل. نسألك رضاك والجنة.. ونعوذ بك من سخطك والنار.. نعوذ برضاك من سخطك.. وبمعافاتك من عقوبتك.. وبك منك.. لا نحصى ثناءً عليك.. أنت كما أثنيت على نفسك.. جل وجهك.. وعز جاهك.. تفعل ما تشاء بقدرتك.. وتحكم ما تريد بعزتك.. يا حي يا قيوم.. يا بديع السماوات والأرض.. يا ذا الجلال والإكرام. يا منزل القرآن على النبي خير الأنام.. ارزقنا بكل حرف من القرآن حلاوة.. وبكل كلمة كرامة.. وبكل آية سعادة.. وبكل سورة سلامة.. وبكل جزءٍ جزاء.. يا خير الرازقين.
عذرا على الاطالة
تحياتى

الجمعة، 17 أبريل 2009

اشتقت اليك...

ارثيك دوما بالبكاء
وما يفيدها العناء
هل عدت يوما بالبكاء
او كنت حيا بالرثاء
ارجوك جدى لااطيق صبرا على عيش خنيق
خذنى اليك فاننى قلعت جذورى ولا رفيق
اصبحت هشا للرياح مالى صديق غير الصياح
فالقوة ضعفت والظهر منقسم بعد الذى كان يختصم
ذهبت حتى قبلما تودعنى ولم ارك ميتا اوعلى الكفن
ولو انى مع الجثمان شيعت لكنت صدقت انك من كان بالكفن
لكنى جئت فاخبرونى بماحدث فما طقت صبرا على ما كان او حدث
اشتقت اليك كثيرا جدى العزيز يا مثلى وقدوتى واستاذى ومعلمى ياصديقى ويا رفيقى
افتقدت كل ما كان بينناواعوذ بالله من الشيطان اكاد لا اصدق ما كان وليغفر لى ربى قولى وعملى وجهلى
اشتقت اليك حقا اشتقت اليك

الجمعة، 27 مارس 2009

اجرى على الله فيما اقول...

عدنا والعود احمد ما اعرفش بقا فيه مشكلة معايا فى الكتابة كده ليه بيبقا الكلام جوايا بس بنسى اكتبه او مش بعرف اطلعه من جوايا
انهاردة هتكلم فى موضوع مش جديد هو عن المرأة وحقوقها فى الاسلام بس اصلى سمعت حديث غريب شوية
ومش لاقى نصه ولا سند ليه واجتهدت علشان الاقيه بس دون جدوى فمش عارف بقا هو حديث ولا لأ بس هقوله يمكن حد سمعه او يلاقيله سند عنده الوحيد اللى جاوبنى قالى انه فيه نص قريب من كده بس مش فاكره حتى
انا سمعته على القناة الاولى المصرية لاننا كنا قافلين التلفزيون من بعد وفاة جدى الله يرحمه <قولو آمين> ولسه مشغلينه فبدأنا من اول الاولى تانى هههههه من شيخ اسمه الشيخ محمد وهدان كان فى برنامج مش فاكر اسمه بس كان فى وقت العصر كده تقريبا قال ايه بقا
فى سياق كلامه "من اضحك انثى كان كمن بكى من خشية الله " بس ما قالش دا حديث ولا مين قاله ولا خلافه وعقب "ومن بكى من خشية الله حرم جسده على النار" تصحيح تعقيبه دا معايا
عن أبي هريرة رضي الله عنه قال، قال: رسول الله صلى الله عليه وسلم: "لا يلج النار رجل بكى من خشية الله تعالى حتى يعود اللبن في الضرع، ولا يجتمع غبار في سبيل الله ودخان جهنم"
المهم بقا اول واحد سألته على الحديث دا بيقلى سمعته من مين فحكيتله قالى "لا دول ما تاخدش منهم علم"
يادى المصيبة عالم فى الازهر او راجل دكتور ما اخدش منه علم بس انا اللى استاهل انى سالت واحد زيه
المهم انا دورت ومش لاقيه زى ما قلت لو حد فيكو عرف يلاقيه ياريت يبلغنى او حاجة بمعناه
بس انا شايف ان المتن مش راكب يعنى باللفظ دا مش اى انثى يعنى اضحكها يمكن ودا الاقرب يعنى للاداب المحمدية انها تبقا من ذوى رحمه او محارمه يعنى يرسم على وشها البسمة ويدخل على قلبها السرور يبقا زى اللى بكى من خشية الله ودا المعنى اللى حرص عليه الاسلام سواء فى القرآن او السنة او الاخلاق المحمدية لتوضيح مكانة المرأة فى الاسلام
كرمك ايتها الام والاخت والابنة والزوجة
و روى الترمذي عن عمرو بن الأحوص الجشمي رضي الله عنه أنه سمع النبي صلى الله عليه و سلم في حجة الوداع يقول, بعد أن حمد الله تعالى و أثنى عليه و ذكر و وعظ ثم قال:" ألا واستوصوا بالنساء خيرا فانما هن عوان عندكم, ليس تملكون فيهن شيئا غير ذلكالا أن يأتين بفاحشة مبينة, فان فعلن فاهجرهن في المضاجع و اضربهن ضربا غير مبرح, فان أطعنكم فلا تبغوا عليهن سبيلا, ألا ان لكم على نسائكم حقا, ولنسائكم عليكم حقا, فحقكم عليهن أن لا يوطئن فروشكم من تكرهون, ولا يأذن في بيوتكم لمن تكرهون,ألا و حقهن عليكم أن تحسنوا اليهن و كسوتهن و طعامهن"
عن جابر بن عبدالله الانصاري ، عن النبي صلى الله عليه وسلم أنه قال :
( مازال جبريل يوصيني بالنساء ، حتى ظننت أنه يحرم طلاقهن ...
وعنه ايضا صلى الله عليه وسلم :
(إنما النساء شقائق الرجال )
( إن من أكمل المؤمنين إيمانا أحسنهم خلقا وألطفهم بأهله )
(اتقوا الله فى النساء فإنكم أخذتموهن بأمان الله ، واستحللتم فروجهن بكلمة الله ) .
( رفقا ... رفقا بالقوارير ) .
عن أنس بن مالك قال : قال رسول الله – صلى الله عليه وسلم -: "من عال جارتين حتى تبلغا جاء يوم القيامة أنا وهو كهاتين وضم أصابعه"أخرجه مسلم .
وغيرها الكثير والكثير من الاحاديث والايات التى بينت مكانتك اختى فى الاسلام وعلو منزلتك ولكن لاتؤاخذى من فهم الدين فهما غير صحيح واستخدم اسم الدين فى ذلك ولكنها فى الاساس يستخدم تعصبا جاهليا اعمى
وفيه تصحيح صغير لرواية عن بن مسعود كنت ذكرتها فى موضوع" حينما يهان اوتهان " بتاريخ 28/8
يقول بن مسعود ثلاث فى القرآن مقرونة بثلاث"اى ثلاثة امور لا تصلح الا بثلاث متلازمات"1-"وقضى ربك ألا تعبدوا إلا إياه وبالوالدين إحساناً" [الإسراء: 23].2-"وأقيموا الصلاة وآتوا الزكاة" 3-"أطيعوا الله وأطيعوا الرسول"الشاهد منها "وقضى ربك ألا تعبدوا إلا إياه وبالوالدين إحساناً "فمن عبد الله وعق والديه لم يتقبل منه ومن عق والديه
والتصحيح فى الشاهد او رقم واحد والصح انها الاية اللى بتقول
قول الله تعالى:﴿أَنْ اشْكُرْ لِي وَلِوَالِدَيْكَ﴾ فمن شكر الله ولم يشكر لوالديه لم يقبل منه.
عذرا على الاطالة كان فيه لسه كلام كتير بس فى مرة تانية ان شاء الله قريبا

الأربعاء، 4 مارس 2009

ياترى انا صح؟؟

بسم الله
حتى التدوين ما بقاش فيه نفس ليه
بس عاوز اعرف انا صح ولا غلط
كتير ببقا مهموم وجوايا حزن كتير بس مش ببقا عاوز احكيه ولا اتعب حد معايا حتى لو كان اقرب حد ليا مش عاوز اتعبه معايا
شايف انى اقدر اتحمل همومى وهموم غيرى بس ما حدش يقدر يتحمل همومى معاه او ما بحبش اتعب حد معايا زى ما قلت
ممكن دا يكون غلط او يخلي القريبين منى يحسو انى بعمل فرق بس انا مش ببقا قاصد كده انا ببقا فى عز تعبى وكبتى بدور على راحة اللى حواليا ومش عاوز احملهم حاجة
بس دا بجد شئ متعب قوى ومش بالساهل لانك ما بتعرفهمش وهما بيبقوا عاوزينك تتعامل عادى لانك ما بتقلش اللى جواك ازاى هيفهمو او يريحوك من غير ما يعرفو معادلة صعبة جدا بتبقا وصلت لمرحلة "دونت تاتش " بس مش قادر تغير التعامل معاهم لانك مش هتحكى ولو غيرت هما كمان هيزعلو لانهم ما يعرفوش ايه جواك مخليك مهموم
دى حاجة والحاجة التانية
دايما بربط اى هم او غم يجيلى بذنب انا عملته يعنى اول ما الاقى شوية هم او غم او مشاكل اقول يبقا انا عملت ذنب معين ودا عقاب وافضل افكر ايه هو الذنب بس بتعب قوى فى التفكير
ما يمكن يكون اختبار مش لازم ذنب يعنى بس هو انا كده ما اعرفش انا صح ولا غلط
بتوصل معايا انى ربطت قعدة بنت جمبى فى المواصلات بذنب "مش متخلف ولا معقد ولا رجعى"
يعنى لو انا ركبت واللى هيجى جمبى جت بنت افضل افكر واقول انا عملت ذنب علشان كده جت بنت مش ولد
حاجات كتير بربطها بالذنوب مع انها ممكن تبقا عادى او اختبارات بس مش عارف انا بعمل كده ليه؟
وكتم همومى جوايا بقا بجد بيخنق بس مش عاوز اتعب حد معايا اعمل ايه بقا؟
ارجو على الله ان يؤجرنى فى ما يصيبنى من هم او حزن مصداقا لقول رسوله صلى الله عليه وسلم
(مَا يُصِيبُ الْمُسْلِمَ مِنْ نَصَبٍ وَلاَ وَصَبٍ وَلاَ هَمٍّ وَلاَ حُزْنٍ وَلاَ أَذًى وَلاَ غَمٍّ حَتَّى الشَّوْكَةِ يُشَاكُهَا، إِلاَّ كَفَّرَ اللَّهُ بِهَا مِنْ خَطَايَاهُ)
واختم بما أمر به النبى صلى الله عليه وسلم فى حديث بن مسعود
عن عبد الله بن مسعود -رضي الله عنه- أن النبي -صلى الله عليه وسلم- قال: (مَا قَالَ عَبْدٌ قَطُّ إِذَا أَصَابَهُ هَمٌّ وَحَزَنٌ: اللَّهُمَّ إِنِّي عَبْدُكَ وَابْنُ عَبْدِكَ وَابْنُ أَمَتِكَ نَاصِيَتِي بِيَدِكَ مَاضٍ فِيَّ حُكْمُكَ عَدْلٌ فِيَّ قَضَاؤُكَ أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ أَوْ أَنْزَلْتَهُ فِي كِتَابِكَ أَوْ عَلَّمْتَهُ أَحَداً مِنْ خَلْقِكَ أَوِ اسْتَأْثَرْتَ بِهِ فِي عِلْمِ الْغَيْبِ عِنْدَكَ أَنْ تَجْعَلَ الْقُرْآنَ رَبِيعَ قَلْبِي وَنُورَ صَدْرِي وَجَلاَءَ حُزْنِي وَذَهَابَ هَمِّي. إِلاَّ أَذْهَبَ اللَّهُ عَزَّ وَجَلَّ هَمَّهُ وَأَبْدَلَهُ مَكَانَ حُزْنِهِ فَرَحاً. قَالُوا: يَا رَسُولَ اللَّهِ يَنْبَغِي لَنَا أَنْ نَتَعَلَّمَ هَؤُلاَءِ الْكَلِمَاتِ؟ قَالَ: أَجَلْ يَنْبَغِي لِمَنْ سَمِعَهُنَّ أَنْ يَتَعَلَّمَهُنَّ) رواه أحمد وابن حبان، وصححه الألباني.
معلش لو خنقت عليكو
تحياتى

الجمعة، 13 فبراير 2009

امن يجيب المضطر اذا دعاه...

بسم الله
كتير الواحد فينا بيكون مخنوق قوى وتضيق عليه الأرض بما رحبت
يعنى تحس إنها ضاقت قوى فإذا ضاقت بك السبل وبارت الحيل وحل الهم وخيم الغم واشتد الكرب وعظم عليك الخطب فتذكر:
"أمن يجيب المضطر إذا دعاه ويكشف السوء ويجعلكم خلفاء الأرض أءله مع الله قليلا ما تذكرون "
حينما تجد كل الأبواب تغلق في وجهك تذكر أن هناك باب دائما وأبدا مفتوح لمن أراده بصدق وبحث عنه اذهب إلى المولى عز وجل سله ما تريد واطلب منه ما تشتهى وأشكو إليه ما يهمك ويضنيك
سل من لم يمله الدعاء ولا يقلقه النداء ولا يخيب فيه الرجاء ولا تنفذ خزائنه من العطاء
واعلم أنك لست بمفردك في الشقاء فهناك الكثيرون والكثيرون يلتهبون في هذه الدنيا فلا راحة فيها أبدا إلا لمن توكل على الله واستعان به هو وحده واستغنى به سبحانه عن من سواه
صغيــــر يشتهى كبرا ... وشيخ ود لو صغرا
وخـــــال يبتغى عمـلا ... وذو عمل به ضجرا
ورب المــال في تعب ... وفى تعب من افتقرا
يضيق المـرء منهزما... ولا يرتاح منتصرا
فهل حاروا من الأقدار... أم هم حيروا القدرا
فحينما تضيق بك فقم وتوضأ وصلى لله وتذلل إليه وادعوه وارجوه وكن واثقا وعلى يقين بالإجابة ابك بين يديه سبحانه كن عبد الشدة والرخاء تذكره في رخائك ليتذكرك في شدتك وانظر معي فهذا محمد صلى الله عليه وسلم لما كان في محنة الطائف انطلق منه هذا الدعاء الصادق من القلب الذي امتلأ فقرا إلى رحمة الله وأملا في رضاه ليعلمنا كيف يكون اللجوء إلى الله وكيف يكون الأمل في رحمة الله فانطلق داعيا مولاه قائلا:
"اللهم إني أشكو إليك ضعف قوتي ، وقلة حيلتي ، وهواني على الناس ، أنت رب المستضعفين و أنت ربي ، إلى من تكلني ؟!إلى بعيد يتجهـمني ، أم إلى عدو ملكته أمري ؟!إن لم يكن بك غضب علي فلا أبالي ، أعوذ بنور وجهك الذي أضاءت له الظلمات وصلح عليه أمر الدنيا والآخرة من أن تنزل بي غضبك ، أو يحل علي سخطك ، لك العتبى حتى ترضى ،ولا حول ولا قوة إلا بك"
أو كما قال صلى الله عليه وسلم اللهم آمين اللهم آمين
ياريت نبقا كده في تعاملنا مع الشدائد والمحن نلجأ لربنا سبحانه وتعالي ندعوه ونشكو إليه وحده نبكى ونتضرع بالبكاء وإن شاء الله لن يخذلنا الله أبدا
يــا رب أنت رجائي ... وفيك حسنت ظـني
يا رب فاغفر ذنوبي... وعافني واعف عني
العـفــــو مــنك إلهي ... والذنب قد جاء مني
والظــــن فيك جميل ... حقق بفضلك ظـني
الحمد لله الذي بنعمته تتم الصالحات.. جعل الأرض قرارًا وأحاطها بسبع سماوات.. جعل فيها أنهارًا وجبالا راسيات.. أخرج فيها نبات كل شيء.. وقَدر فيها الأقوات.. أنزل الغيث مباركا.. والفُلك في البحر بالخير جارياتْ.. سخر الشمس والقمر دائبين.. والنجوم في الليل بازغات.. خلق الحياةَ ليبلونا وكتب علينا الممات
اللهم إنا ندعوك يا رب.. وندعوك الرحمن.. وندعوك الرحيم.. وندعوك بما دعاك به آدم (عليه السلام) ربنا ظلمنا أنفسنا وإن لم تغفر لنا وترحمنا لنكونن من الخاسرين. وندعوك بما دعاك به إبراهيم (عليه السلام) ربنا هب لنا حكما وألحقنا بالصابرين واجعل لنا لسان صدق في الآخرين واجعلنا من ورثة جنة النعيم ولا تخزنا يوم يبعثون.. يوم لا ينفع مال ولا بنون.. إلا من أتى الله بقلب سليم. وندعوك بما دعاك به يُوسُف (عليه السلام) أنت ولينا في الدنيا والآخرة توفنا مسلمين وألحقنا بالصالحين. وندعوك بما دعاك به يُونُس (عليه السلام) لا إله إلا أنت سبحانك إنا كنا من الظالمين. وندعوك بما دعاك به أيوبُ (عليه السلام) ربنا إننا مسنا الضر وأنت أرحم الراحمين. وندعوك بما دعاك به زكريا (عليه السلام) ربنا هب لنا من لدنك ذرية طيبة إنك سميع الدعاء. كما ندعوك يا ربنا بما دعاك به سيدُ الخلق (صلى الله عليه وسلم). اللهم أهدنا فيمن هديت.. وعافنا فيمن عافيت.. وتولنا فيمن توليت.. وبارك لنا فيما أعطيت.. وقنا واصرف عنا شر ما قضيت.. نستغفركَ ونتوبُ إليك. اللهم أنت ربنا لا إله إلا أنت خلقتنا ونحن عبيدك.. ونحن على عهدك ووعدك ما استطعنا.. نعوذ بك من شر ما صنعنا.. ونبوء بنعمتك علينا.. ونبوء بذنوبنا.. فاغفر لنا.. فإنه لا يغفر الذنوب إلا أنت.. يا حنان.. يا منان. اللهم لك أسلمنا.. وبك آمنا.. وعليك توكلنا.. وإليك أنبنا.. وبك خاصمنا.. وإليك تحاكمنا.. فاغفر لنا يا ربنا ما قدمنا.. وما أخرنا.. وما أسررنا.. وما أعلنا.. وما أسرفنا.. وما أنت أعلم به منا.. أنت المقدم وأنت المؤخر لا إله إلا أنت. يا من إليه المشتكي.. قد نزل بنا البلاء.. وتفشى فينا الداء.. وأصبح الأقرباء غرباء.. والأخلاء أعداء.. وعَق الأبناءُ الآباء.. وتباعد الأشقاء.. وساد النفاقُ والرياء.. وضاع الولاء والوفاء.. وتقطعت صلات الأرحام.. وأُكل مالُ الأيتام.. وانفرد بالموائد اللئام..وهلك المحرومون في الزحام.. وانتهكت الأعراض والمحارم وحلَ الظلام.
يا رب.. من سواك يحمى من يلوذ بحماك.. ؟ أمن يُجيب المضطر إذا دعاه.. ؟ من لنا سواك يُجيرنا مما نخافُ من العذاب.؟ من لنا سواك يُغيثنا عند الشدائد والصعاب.. ؟ من لنا سواك نبثهُ شكوانا إن جل المصاب.. ؟ من لنا سواك وأين نذهب دلنا أين الذهاب؟ من لنا سواك ولنا ذنوبُ كالجبال والهضاب.. ؟ من لنا سواكَ وكل ما فوق التراب تراب.. ؟ فالله ائذن لنورك أن يبدد الظلام.. ويسود الحب والوئام.. ونعود لأخلاق الإسلام.. ولنصر الإسلام. اللهم أدبنا بأدب الإسلام.. وأدب القرآن.. وسنة النبي خير الأنام.. برحمتك يا رحيم يا رحمن.. يا أكرم الأكرمين. اللهم أمين اللهم أمين

الخميس، 29 يناير 2009

عزيزتى القاهرة

عزيزتي القاهرة
تحية طيبة وبعد أود زيارتك لأنني ابحث عن نزهة أجد فيها البسمة والسعادة لأنني مللت هذه الوجوه العابسة وهؤلاء الشباب على المقاهي وفى الطرقات بلا عمل ومعيشة متدنية وأناس لا تدري من حياتها شيء سوى السعي لكسب قوت يومها وبعدها لا يشغلون بالهم بالعالم الآخر وكأن العالم قد انتهى عند دائرتهم المحدودة هذه
فلذلك فكرت في القدوم إليكى فهل لكي أن تعدينني باني إذا قدمت اليكى أنى ساجد البسمة والفرحة
ولن أرى تلك الوجوه العابسة ولا النفوس الساخطة ولا الأطفال المشردة ولا العيون الباكية ولا من فقدوا المأوى ولا من ماتوا تحت الهضبة ولا من سلبت كرامتهم ونهبت حريتهم ولا من باتوا جياعا وأصبحوا عرايا
عديني بأني سأرى البسمة في وجه الموظفين بالصباح وقد خرجوا من بيوتهم يحملون هما لا تستطيع حمله الجبال
عزيزتي عديني باني ساجد القاهرة قاهرة المعز لدين الله الفاطمي التي طالما قهرت عداها خارج أبوابها فهل لها أن تقهر الفقر والظلم والذل داخل أبوابها
عزيزتي أرجو أعلامي بالمكان الذي يمتلئ بالبسمة الصادقة والضحكة الصافية والنفس المشرقة المكان الخالى من الشقاء ولا يمتلئ بالنهب والسرقة والكسب دون العناء
عزيزتى يؤسفنى ان اخبرك انى بدأت افقد الأمل فى أنك ستجدينه... أرجو أن أكون مخطئا وتجدينه عما قريب
والسلام ختام